الملحن عمرو مصطفى: الهضبة سبب شهرتي

أكد الملحن والمطرب عمرو مصطفى، أن الهضبة عمرو دياب له فضل كبير فى شهرتي وأعتبره أخ وصديق.
وكتب مصطفى، عبر حسابه الرسمى على موقع التواصل الاجتماعى "فيس بوك"، اليوم الثلاثاء، "عمرو دياب الصيف ما يبقاش صيف من غيره هو مش بس أستاذي، هو صديق وأخ، من أول ما مسكت الجيتار، من أول ماكنت أنا وأصحابي مابنفوتلوش ولا حفلة".
وأضاف: "سوء التفاهم بيحصل بين كل الناس لكن أنا عمري ما قلت أو لمحت حتى بأي إهانة ليه، بالعكس كنت مدافعًا عنه دايمًا حتى في وقت بعدنا عن بعض"، متابعًا: "وأنا لازم اعترف بعد اللي وصلت ليه بفضل الله أنه كان سبب كبير في شهرتي، إيمانه بيا وبموهبتي كان دايما حافز ليا أني أبدع عمري ما سمعت أنه قال كلمة وحشة عني لأنه إنسان راقي قبل ما يكون فنان راقي، خلافتنا كانت بسبب شركة إنتاج مش أي حاجة تانية، كنت ولا زلت بتعلم منه وبستنى جديده زيي زي الملايين من جمهوره اللي ذكراياتنا كلها على أغانيه مستنيين ألبوم الهضبة عمرو دياب".