أذاع الكاتب الصحفي عبدالرحيم علي، عضو مجلس النواب ورئيس مجلس إدارة وتحرير "البوابة نيوز" تسريبات باللغة الإنجليزية خاصة بمحادثة هاتفية جمعت بين الدكتور محمد البرادعي نائب رئيس الجمهورية السابق، ومسئول في وكالة الاستخبارات الأمريكية "سي آي إيه" يدعى دان برامن عام 2011 خلال برنامجه "الصندوق الأسود المذاع على فضائية "العاصمة". وتضمنت التسريبات حديث البرادعي وبرامن عن تقسيم المنطقة وتحديدًا مصر بحسب التسريبات: دان للبرادعي: كويس.. كويس تفتكر الانتخابات الرئاسية ممكن تتم إمتى؟ البرادعي: أفتكر أننا في الأول لازم نعمل لجنة تأسيسية عشان تكتب دستور جديد لأن دستور 71 مليان مواد استبدادية من أيام النظام القديم، وده اللي أنا هقوله ليهم في اجتماعاتنا الجاية، أفتكر في خلال 6 شهور ممكن يكون عندنا دستور جديد، ونستفتي عليه، وبعدها نبدأ إجراءات الانتخابات الرئاسية، ولازم يكون فيها ضمانات للتصويت الحر والرقابة والشفافية، وحقوق المصريين في الخارج، كل دي حاجات محتاجة تتظبط والجيش مش عايز يقعد أكتر من 6 شهور، هم فعلا عاوزين كده، ومتنساش إن فيه عندهم أزمة اقتصادية وفيه حاجة مهمة إنك تعرفها، هما مرعوبين من قلة الفلوس ومن فكرة أنهم محتاجين كل شهر 10 مليارات دولار لدفع الرواتب بس، وكمان مشكلة الأمن، الشرطة انسحبت والحالة الأمنية سيئة، الحاجتين دول هما اللي بيفكر فيهم طنطاوي، والقضية الأساسية هي إزاي يجيبوا فلوس وهما بيحاولوا يتصرفوا من الخليج، لكن نتمنى أنا وساويرس والناس العاقلين هنا، نتمنى أنهم يتجهوا ناحيتكم أو ناحية أوروبا، وبالنسبة للأمن فهما عاوزينه يرجع عشان البلد ترجع لوضعها الطبيعي، لكن ده مش هيكون مقبول من المحتجين طبعًا، لو إحنا قدرنا نرجع للبلد جزء من شكل الحياة الطبيعي، يعني الجيش يحمي القانون والنظام في الشارع والسينمات تتفتح، والمدارس ترجع تشتغل أفتكر لو عملنا كده هنبقى ماشيين في الاتجاه الصحيح، هما عايزين يمشوا ويسيبوا كورة النار من إيديهم ويرموها لأي حد في خلال 6 شهور، لكن طبعًا الوضع معقد جدًا وإحنا لسه هنشوف شكل الست شهور الجايين هيكون إيه، وأتمنى أنهم يقبلون اقتراحاتنا نحو نقل السلطة، وزي ما قلتلك قبل كده، إحنا بدأنا الحوار.. وده في حد ذاته كويس.