أحمد مالك يعتذر للجمهور عن الفيديو المسيء للشرطة

قرر الفنان الشاب أحمد مالك تقديم اعتذار للجمهور عن الفيديو المسيء الذي انتشر مساء أمس وظهر فيه إساءة بالغة للشرطة، وذلك عبر صفحته الرسمية على "الفيس بوك".
وكتب مالك: "بعتذر بشدة لكل شخص أساءه الفيديو خاصة الشرطة، الفيديو فعلًا فيه تجاوزات لم أتوقع أنها تخرج بره دايرة الأصدقاء وده مش مبرر على الخطأ، أنا عمري عشرين سنة وساعات في السن ده الأفكار المتهورة بتسبق التفكير العقلاني وللأسف الغلطات دلوقتي بقت مسجلة ومصورة وده بيديها عمر وحجم أكبر من حجمها الحقيقي، دي لحظة تهور ولحظة مش محسوبه وفعلًا ندمان عليها وحاولت مسحها ولكن كنت فوجأت أنها انتشرت قبل ما أقدر أنقذ الموقف، يمكن الموقف ده كله نابع من إحباط عدم القدرة على التعبير عن الرأي اللي جيلي حاسه الأيام دي بس برضه ده ميدينيش الحق إني أتجاوز أو أعبر عن رأيي بطريقة متجاوزة في حق الآخرين، أكتر حاجة مضايقاني أنه هيتم استخدام اللحظة دي لتشوية الثوار والثورة ومقدرش ألوم حد في النقطه دي إلا نفسي اللي الإحباط عماها. أتمنى من الجميع أنهم ميتعاملوش مع اللحظة دي على أنها بتلخصني ويتعاملوا معاها أنها لحظة عابرة لن تتكرر. مرة أخرى بعتذر".
يذكر أن مالك قدم هذا الاعتذار بعد قرار أشرف زكي نقيب المهن التمثيلية بوقف أحمد مالك عن العمل.