لعبة الكابويرا القتالية البرازيلية تحظى بشعبية بين الفلسطينيين

تتنامى شعبية لعبة الكابويرا القتالية البرازيلية بين الشبان الفلسطينيين في القدس وهو ما يدفع المدرب الفلسطيني مهند شحادة وأقرانه لبذل جهد أكبر.
ويقال أن لعبة الكابويرا بدأت بين العبيد الافارقة الذين نقلوا للبرازيل ومورست لأول مرة قبل 400 عام.
ويقول شحادة إن هذه اللعبة تجد جذورها في رياضات الدفاع عن النفس. فهي تجمع بين حركات الجمباز والحركات البهلوانية والموسيقى وهي فعالة جدا في بناء الثقة بالنفس.
وهدف شحادة هو تشجيع الشبان الفلسطينيين في مختلف أرجاء القدس على ممارسة هذه اللعبة.
ويقول "هدفي إنه أجيب لعبة جديدة لهاي البلد اللي هي الكابويرا. طبعا الكابويرا هي فن قتال على الطريقة البرازيلية، أصلها من عبيد الأفارقة. طلعوا هاي الرياضة من باب الدفاع عن النفس ويفكوا الحصار عنهم وهاي الرياضة في الأصل هي دفاع عن النفس. فيها موسيقى، فيها كمان جمباز فيها حركات بهلوانية بتعطي ثقة بالنفس."
ويمارس شحادة البالغ من العمر 23 عاما الكابويرا منذ 12 عاما وهو مستمر في التدرب عليها مع مدرب برازيلي يمارس اللعبة منذ 21 عاما.
يدرب شحادة واربعة مدربين فلسطينيين آخرين ومدربان برازيليان لاعبين تتراوح أعمارهم بين ثلاثة أعوام وأربعين عاما مرتين كل أسبوع.
وقال شحادة لرويترز "طبعا مندرب جميع ضواحي القدس: جبل المكبر، بيت حبينا، مخيم شعفات، جميع ضواحي القدس...وطبعا عندنا عدد كابويرا في فلسطين تقريبا من300- 400 طالب."
ويقول حمزة زحيكة المتدرب إن هذه الرياضة لعبت دورا في تغيير حياته.
ويقول "الرياضة هاي بتخلط بين اللغة العربية والبرازيلية. لما احنا نروح نتدرب شي برازيلي، منغير حياتنا، في ولاد بيلعبوا كرة قدم، كرة سلة، هاي الأشياء معروفة، فلما يقولوا كابويرا، يعني هاي اشي غريب، فلما ييجوا يتدربوا، بيلاقوا اشي غريب وممتع كمان. الكابويرا هي عبارة عن لعب ولياقة بدنية وعن دفاع عن النفس، فيها موسيقى، فيها حب بين المدربين والطلاب."
والبنات أيضا مرحب بهم للتدرب على الكابويرا التي يقول شحادة انها طريقة إيجابية لاستخدام طاقة الانسان.
ويضيف "كل بني أدم عنده طاقة داخلية، إذا هو ما خرجهاش عن طريق رياضة انها تفيده بشكل ايجابي أكيد رح ينتقل إلى إشي سلبي."
وتابع شحادة "هلا إحنا طبعا منتدرب هاي الرياضة من باب الطلاب والشباب يلي عندنا يعني هم أكثر خشوا بالرياضة. يعني ما يكنوش كمان برا النوادي، يكونوا في الشارع لأن فش إشي عندهم بديل، إذا ما كانش عنده رياضة معبي وقت الفراغ، بدوا يضطر يقضي وقته في اشي سلبي. فاحنا هدفنا نجمع كل الطلاب والشباب ونجيبهم ويستغلوا هاي الرياضة يلي بيعطيهم أول اشي ثقة بالنفس وكمان ينموا المواهب يلي عندهم، كما يعطيهم قوة جسدية، كمان تفكيرهم يصير سليم."
ومن المقرر إقامة بطولات للكابويرا يشارك فيها مدربون محترفون من البرازيل في القدس في ديسمبر كانون الأول من هذا العام.