طفل بائع "بالونات" بالمنيا: "نفسي يكون عندي محل لعب بدل اللف في الشوارع"

رصدت كاميرا "البوابة نيوز"، طفلا يدرس فى الصف الأول الإعداداي، يبيع البالونات لأطفال مثله، فى المتنزهات، خلال احتفالات العيد بالمنيا.
وقال "إبراهيم" بائع الفرحة للأطفال، خلال تجوله على كورنيش النيل، إنه ينادى حاملا البالونات الملونة الجذابة منذ الصباح وحتى المساء يتجول على قدمية فى الشوارع والميادين وكورنيش النيل.
وأضاف "أنا بالف على الكورنيش وفى الحدائق فى المواسم والأعياد والإجازة الصيفية عشان لقمة العيش لأنى بساعد أسرتى فى مصاريف الحياة عشان أجيب مصاريف لإخواتى وبحس بفرحة كبيرة عشان بساعد إخواتى أكتر من انى العب مع العيال والأطفال".
وأكد أن عمله لا يؤثر على أدائه الدراسي قائلا: "بذاكر دروسى كويس وبنجح كل سنة وهكمل تعليمى عشان يبقى لى مستقبل كويس عشان أشتغل شغل كويس وأقدر أساعد إخواتى وأسرتى".
وعن أمنياته قال: "نفسى يكون عندى محل لعب وبالونات عشان ابيعها للأطفال بدل ما أسرح فى الشارع"، مضيفا: "العيال بيحبونى وهييجو يشتروا اللعب والبالونات مني".