بالفيديو.. صفوت حجازي ل"أبوإسماعيل": اعتصاما "رابعة والنهضة" مسلحان

عرض الكاتب الصحفي عبدالرحيم علي، رئيس مجلس إدارة وتحرير "البوابة نيوز"، خلال برنامجه "الصندوق الأسود"، المذاع على فضائية "العاصمة"، مساء اليوم الأحد، مكالمة بين صفوت حجازي وحازم صلاح أبوإسماعيل.
وجاء نص المكالمة كالآتي:
حجازي: السلام عليكم
أبوإسماعيل: أهلا مرحبًا وعليكم السلام ورحمة الله وبركاته
حجازي: مرحبًا فضيلة الأستاذ
أبوإسماعيل: الحقيقة انتبهت متأخرًا لمكالمة فاتصلت بحضرتك بس الوقت كان متأخرًا جدًا
حجازي: معلش والله سامحني إحنا كنا في رابعة قاعدين مسمعتش
أبوإسماعيل: ربنا معاكم
حجازي: إزي حضرتك
أبوإسماعيل: الحمد لله.. طمني على الأخبار ماشية كويس
حجازي: الناس كلها بتسال عليك.. الشيخ حازم فين.. أنا مش عارف أقولهم إيه.. كل الشباب الصغير بسأل عليك وبتوع حازمون
أبوإسماعيل: الفكرة.. هو أن عدم وضوح المسار شوية هو اللي مخلي الواحد مش عارف.. زي يوم 25 يناير.. أنا مش عارف هما ناوين يعملوا إيه لغاية دلوقتي
حجازي: المعلومة اللي عندي.. أنه لو حصل اقتحام للقصر هنروح واللي جوا هيدبحوا وأنا نازل معايا سلاح مرخص سلاح حي وكل الناس اللي معايا بالشكل ده.. ومسألة أن يتم التنازل أو التجاوز أو أن مرسي يسقط دي مسألة يعني.. أنا شخصيًّا والناس اللي معايا "دونها الرقاب"، وشباب الإخوان في "رابعة" و"النهضة" معاهم سلاح فعلا.
أبوإسماعيل: اتقبض على حد من اللي معاه سلاح
حجازي: مفيش حد اتقبض عليه خالص.. لا لا خالص
أبوإسماعيل: بيقولوا قبضوا يوم 17 على شباب في الإسكندرية من "البناء والتنمية"
حجازي: لا مفيش حاجة من دي حصلت.. الزمر قال مفيش حاجة كدا.