بالفيديو .. حجازي ل"أبوإسماعيل" : "كل شباب رابعة والجماعات مسلحين "

كشف الكاتب الصحفي عبدالرحيم علي ، رئيس تحرير البوابة نيوز، عبر برنامجه الصندوق الأسود، المذاع علي فضائية القاهرة والناس، مكالمة صوتية بين صفوت حجازي وحازم صلاح أبو إسماعيل، تكشف وجه ميدان رابعة الحقيقي وتسليحه.
جاء في نص المكالمة ..
صفوت حجازي : السلام عليكم
حازم أبو إسماعيل : أهلًا ومرحبًا وعليكم السلام ورحمة الله وبركاته
حازم أبو إسماعيل : الحقيقة انتهيت متأخر من مكالمة فاتصلت بحضرتك بس الوقت كان متأخر جدًا
صفوت حجازي : معلش والله سامحني احنا كنا في رابعة قاعدين مسمعتش .
حازم أبو إسماعيل : ربنا معاكم
حجازي : إزي حضرتك
حازم أبو إسماعيل : الحمد لله رب العالمين طمني على الأخبار مشية كويس الحمدلله
حجازي : والله الحمدلله رب العالمين أنا طلبت حضرتك لأن الناس كلها بتسألني عليك الشيخ حازم فين
حازم أبو إسماعيل : أيوه طبعًا
حجازي : أنا مش عارف أقولهم إيه ..ههههه حبيت اتصل بيك اسألك أقولهم إيه ..كل الناس الكبار حتي ، الشباب الصغيرين، يعني الشباب إمبارح موجودين طلاب الشريعة وشباب من حازمون وكل الناس.
حازم أبو إسماعيل : صحيح هو بس الفكرة هو عدم وضوح المسار شوية هو اللي مخلي الواحد مش عارف زي يوم 25 يناير، هو نفس المشكلة 25 يناير اللي هي الصورة الحقيقة لما بتبقي فيها ابهام بيبقي المسائل الحقيقة غير جيدة، فأنا مش عارف هما ناوين يعملوا إيه لغاية دلوقتي المسألة زي ما بنسمع متجهة إلى الوصول الى تنازلات وحل وسط واتفاقات وكلام زي كده.
حجازي: أنا المعلومة اللي عندي، واللي أنا بشتغل عليها، والمعلومة الصادقة الوحيدة اللي عندي، إني احنا في رابعة العدوية لو حدث اقتحام للقصر هنروح القصر وللي جوه هندبحه.
حازم أبو إسماعيل : أه أه
حجازي : ده المعلومة اللي عندي وأنا نازل معايا سلاح مرخص بتاعي سلاح حي
حازم أبو إسماعيل : أه أه
حجازي : وكل الناس اللي معايا بالشكل ده لكن مسألة أن يتم التنازل والتجاوب أن مرسي يسكت ده مسألة أنا شخصيًا يا شيخ حازم والناس اللي معايا دونها الرقاب.
احازم أبو إسماعيل : أه أه .
حجازي: ورابعة والشباب كلهم بتوع الجماعة الإسلامية وشباب كتير من الإخوان معاهم سلاح، معاهم سلاح فعلًا
حازم أبو إسماعيل : بس ده بيتقبض على اللي معاهم سلاح أهم
حجازي مفيش حد اتقبض عليه خالص .. لا لا خالص
حازم أبو إسماعيل : بيقولو في 17 في الإسكندرية اتقبض عليهم من البناء والتنمية
حجازي : خالص خالص أنا اتصلت بالدكتور طارق الزمر مفيش حاجة كده
حازم أبو إسماعيل : أه أه ربك كريم
حجازي : لا إحنا عايزينك يا شيخ حازم يعني ،إنت قابلت الريس في اللقاء بتاع بالليل ده
حازم أبو إسماعيل : لا لا لا، يعني هي الصورة الآن الحقيقة، بس الفكرة إنها موجهة إلي حد ما، والقصة في الضغوط اللي علي القائد موجودة، ده إن هيحصل، إنت عارف حضرتك ، أنا لا يعني يتطلب الأمر إلا وضوح الرؤية ، والتغيير الذي لا نعرف إيه هو بالضبط .
حجازي : تغير زي إيه .
حازم أبو إسماعيل : لا يعني يحصل مثلًا بقى ضغط على الريس فيقعد معاهم ويحصل تنازل ما أو اتفاق ما معرفش إيه هو .
حجازي : زي إيه مثلًا .
حازم أبو إسماعيل : يشيلوا الوزارة مثلًا ويشيلوا ، والنائب العام ويعملوا معرفش إيه ويجيباو البرادعي وحمدين صباحي .
صفوت حجازي : لا لا أنا لا أظن الكلام ده حصل، وحتي لو حصل تغيير الحكومة لا أظن مسألة البرادعي ولا حمدين ولا الكلام ده صعب أوي.
حازم أبو إسماعيل : هو مش لازم الاثنين دول بالزات ممكن يكون إن عبدالفتاح السيسي يشكل الحكومة مثلًا .
صفوت حجازي : لا أنا معنديش أخبار من دي خالص، كل ده كلام بيتقال، لكن معنديش أي اخبار، اللي عندي إن الرئيس مسألة اسقاط الرئيس، ولا تنازله ولا دعوته لانتخابات مبكرة ولا الكلام ده ده غير مقبول إطلاقًا وغير مطروح إطلاقًا، ومسألة إقالة النائب العام برضه غير مقبولة وغير مطروحة، الحاجة الوحيدة اللي ممكن أن تطرح هي تغيير الحكومة، وده مطلبنا كلنا من الأول، لكن مسألة إن البرادعي يجي رئيس حكومة ده برضه مسألة مش مطروحة مش مطروحة خالص، يعني ديه تحديدًا أنا أكلمت فيها مع الرئيس .
حازم أبو إسماعيل : أه
صفوت حجازي : قالي مستحيل
حازم أبو إسماعيل : طب .....المظاهرات اللي في المحافظات دي يادكتور يعني حضرتك شايف إنها مش مشكلة ولا إيه .
صفوت حجازي : مفهاش مشكلة خالص