نوّر بيتك بلمبة «حنفي توفير»

يخليك لينا يا مزيتنا ومسكّرنا، ومنّورنا، حنفي أفندي كعب الغزال وزير شنطة التموين في الحكومة الحالية المصونة، قرر جنابه يبحبحها حبتين تلاته علي المواطن مصري، شبعتوا زيت وسكر؟؟.. شبعنا،.. وصل ليكوا "الليد" لمبات النور الموفرة..؟؟،.. ولا عدّت، عُلم وجار السيطرة التمونية وصرفها أول الشهر ع البطاقة.
وفي أول تعليق لمواطن محدودي، علي لمبات حفي الموفرة، قال بسلامته، ياسلام علي دي زيطة وهيصة حكومية، وتابع: "هِيصنا زيت وزِهقنا من السكر، اقلبي بأه يا حكومة علي حاجة تانية.. أخبار اللحمة عندك إيه؟، طب الفراخ؟.. شكلك معذورة يا كريمة، خليها سمك، ما كانش هنستنى صرف رجول فراخ وركب نمل وأجرك يا محسنة عند الله، كتّر خيرك، وبَعد الجوع الكافر عن بطن جنابك، وعيشتي يا غالية خالية من الُشح والقشفرة.