"أمهات مصر": الإمتحان المجمع لطلاب الأول والثاني الثانوي عبء وضغط كبير

قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، إن عقد إمتحان مجمع لطلاب الصفين الأول والثاني الثانوي بالمدارس الرسمية والخاصة عبء وضغط وظلم كبير للطلاب. وأضافت عبير، في تصريحات صحفية، أن وزارة التعليم قررت عقد امتحانين مجمعين في نهاية شهري أبريل ومايو بالمدرسة بلحان مؤمنة ومراقبة ويكون الإمتحان ورقيا، مستطرده: "طلاب الأول والثاني الثانوي ليسوا مثل طلاب الإعدادية والابتدائية حتي يتم امتحانهم في امتحان مجمع يضم عدة مواد بها كم كبير من المنهج"، مناشدة الوزارة بإعادة النظر في القرار علي أن يتم عقد امتحان منفصل لكل مادة علي حده مثلما حدث بامتحانات الفصل الدراسي الأول لرفع العبء والضغط علي الطلاب وأولياء أمورهم. وأشارت عبير الي أن أولياء الأمور يتساءلون عن أسباب تراجع الوزارة عن عقد الإمتحان علي جهاز التابلت وقررت أن تكون الإمتحانات ورقية، مطالبة الوزارة بتوضيح الأمر إلي أولياء الأمور. وتفاعل العديد من أولياء الأمور علي صفحة اتحاد أمهات مصر للنهوض بالتعليم، في الفيس بوك، حيث قالت ولي أمر: "ازاى امتحانات مجمعة لطلاب ثانوي، دا ربنا يعلم بامتحاناتهم اللى مش بتتحل اصلا، امتحانات معقدة، ازاى يقدر يلم المواد دى فى الوقت القصير دا قمة الظلم ارحمونا وارحموهم". وأضافت ولي أمر: "بصراحه مينفعش كده كل شويه قرار جديد وجدول ظالم، هما إعدادى ولا ابتدائي علشان يعمل امتحان مجمع، وعدد الأسئلة قليل لكل ماده والطالب لو معرفش يحل كويس كده الماده ضاعت منه لأن درجه الترم الأقل مش حاسبها وكأنه ممتحنش وذاكر وتعب ازاى يضيع مجهود 5 شهور وكأنهم مش موجودين". وذكرت أخري: "يعني الترم الأول كده يعتبر اتلغي والترم التاني هو اللي عليه كل الدرجه ومش كده وبس لأ ده مخلي العربي ورياضه 1ورياضه 2 والعربي مع بعض وساعه ونص، ليه هو اللي داخل يحل الإمتحانات ده اينشتاين؟"