"أمهات مصر" تعترض على موعد امتحانات الصف الأول الثانوي للمدارس الخاصة

قالت عبير أحمد، مؤسس اتحاد أمهات مصر للنهوض بالتعليم، إن هناك حالة من الإستياء والغضب بين أولياء أمور طلاب الصف الأول الثانوي بالمدارس الخاصة، بسبب توقيت إمتحان شهر مايو المقبل الذي سيؤدونه علي التابلت.
وأضافت أحمد، في بيان اليوم الثلاثاء، أن طلاب الصف الأول الثانوي بالمدارس الخاصة سيؤدوا الإمتحانات داخل المدارس الحكومية بداية 19 مايو حتى 30 مايو من الواحدة ظهرأ، خلال شهر رمضان الكريم، وهو ما يؤدي إلي عدم تركيز الطلاب خلال أداء الامتحان في ظل الحر الشديد مع الصيام، بالإضافة إلي أداء الإمتحانات الأخرى في الأيام المتتالية ولا يوجد إجازات، معترضين على توقيت الامتحان الواحدة ظهرا.
وتفاعل أولياء الأمور علي صفحة اتحاد أمهات مصر للنهوض بالتعليم، في فيس بوك، حيث قالت ولي أمر: "إزاي إمتحان أولى ثانوي يكون من الساعة واحدة بعد الظهر لطلبة المدارس الخاصة والأولاد حيكونوا صايمين في رمضان؟، وأين مبدأ المساواة وتكافؤ الفرص، إزاي حيبقى فيه أكتر من إمتحان، يعني امتحان لطلبة المدارس الحكومية وإمتحان آخر لطلبة المدارس غير الحكومية، الكلام في البداية كان إمتحان واحد موحد علي مستوي الجمهورية؟".
وأضاف ولي أمر أخري: "من حق كل طالب يمتحن في مدرسته سواء حكومي أو خاص، وكل الطلبه تمتحن الساعه 9 الصبح، ده من حقهم وما يأخرش الخاص للساعه 1 على حساب اعصابهم وصحتهم، دول صايمين، والسؤال: المدارس الحكومية اشتغل فيها الشبكات، يبقى يأخر طلبة المدارس الخاصه ليه؟"، وتابعت أخري: "طلبة المدارس الحكومية يخلصوا الامتحان الساعة 10.30 الصبح ويروحوا يذاكروا طول اليوم المادة اللي بعدها، لكن احنا هنخلص الساعة 4 او 3.30 اليوم هيكون خلاص بيخلص، هنذاكر امتي؟ كمان المدرسة اللي هنمتحن فيها هتكون بعيدة جدا عن المدرسة بتاعتنا".
واستكملت أخري: "المشكلة يا جماعة مش التوقيت، المشكلة الأكبر في اختلاف الامتحان بين المدارس الخاصة والحكومة وطريقة الامتحانات التعجيزية".