تقارير : مؤشرات الاستفتاء.. فيس بوك: يا منوفية فينك فينك!

مع بدء المؤشرات الأولية للجولة الأولى الاستفتاء في المحافظات العشر التي جرت بها عملية التصويت، لم تسلم المحافظات المختلفة من توجيه النقد لها على نتيجتها، سواء من جانب المعارضين او المؤيدين للدستور..
والطريف أن محافظة المنوفية كانت الغائب الحاضر، فرغم أنها جولة ثانية، إلا أن المعارضين للدستور وضعوا أملهم على نتيجتها، بعد أن كانت أعطت مليون صوت لصالح الفريق أحمد شفيق في انتخابات رئاسة الجمهورية في بونيو الماضي.
"عاشت محافظتي حرة مستقلة"
ومن أبرز التعليقات التي دارت حول المحافظات:
طب نعمل 2 دستور واحد لأهل الصعيد الكرام... وواحد للقاهرة والاسكندرية..... يخرب بيت الغباوة..
القاهرة رافعة راسنا دايما.. في استفتاء مارس وانتخابات الرئاسة وفي الاستفتاء، ترفض القاهرة أن تُغتصب من مدعى الإسلام وتجار السلطة ... عاشت محافظتي حرة مستقلة
هي الغربية مش عايزة تتوب
اللي تفتكره غربية...يطلع منوفية
هو أهل سوهاج ميعرفوش إن الصحفي الحسيني أبو ضيف ابن عمهم؟ طيب أنا يكفيني من هذا الوطن القاهرة والاسكندرية والغربية، مش عاوزة حد تاني
"شد حيلك يا منوفي"
المنوفية نالت حظها هي الأخرى، بعد أن وضع من يعارض الدستور أمله غليها، وكانت أبرز التعليقات حولها:
يا منوفية فينك فينك لسه الأمل بنا وبينك أنا موافق إن المنوفية تبقي العاصمة بس تقول لا بالروح بالدم نفديكى يامنوفية شد حيلك يا منوفى أيوة الامل في المنوفية.. اصبروا بس
أملنا فيكوا.. انصفوا أهلنا بقى.. أنتوا بتنزلوا مليون صوت ع القفل.. هتفرقوا جامد وهتعوضوا اللي عملتوه فينا من أول الثورة
اقروا الفاتحة لأبو العباااااس .. المنايفة أحسن ناس أحسن نااااااااااس (أموشن نفاق)
إن شاء الله المنوفية هتقلب الكفة
مواطن منوفي: آه يا شعب كنتو بتكرهونا دلوقتي بتحبونا .. بس إحنا كنا صح وهنفضل صح ماتقلقوش
الجيزة أقاليم
من طرائف الاستفتاء أيضا، ولكن بعيدا عن مؤشرات نتيجة الاستفتاء، ما تناقله شباب الفيس بوك ساخرين من فصل "الجيزة" عن "القاهرة" في الاستفتاء مثلما حدث من قبل وقت الانتخابات البرلمانية، حيث تدخل محافظة الجيزة في المرحلة الثانية بعد أن جاءت القاهرة في المرحلة الأولى.
واعتبر الشباب "الجيزاوي" أن قرار الفصل تهميش لهم وجعلهم يشعرون بأنهم من سكان "الأقاليم"!.
وكانت التعليقات حول ذلك الفصل:
- القاهرة كلها بتنتخب والجيزة واقفة Next
حلو نظام المدارس اللى فترتين ده، يا بتوع الصبح يا أفنديا.. يا بتوع الضهر يا حرامية..
الإنتخابات قفلت ع القبلي والبحري.. وخلت الجيزة أقاليم!
أول مرة أشعر بالغربة بين صحباتي، أول مرة أصنفهم لاقيتهم جميعا من سكان القاهرة، وأنا بس جيزة!
مواطن جيزاوي: لم تكذب المعارضة حين أسمته استفتاء تقسيم مصر