بلال فضل علي تويتر لمحمد أبو حامد..زمن الهجايص

على تويتر انتقد الكاتب والروائي الشهير بلال فضل الدكتور محمد ابو حامد متهماً إياه بإلقاء التهم جزافاً وإشعال البلاد دون دليل ..متسائلاً .. هل لا يملك ابو حامد الا رقم هالة سرحان ...ومعلقاً بطريقة ساخرة "زمن الهجايص"
إليكم ما كتب
طالما الأخ أبو حامد عارف ان في أسلحة من ليبيا واخدينها الاخوان مابيتقدمش ليه ضدهم ببلاغات ولا مامعوش غير تليفون هالة سرحان بس؟ زمن الهجايص :)
وبعدين وثوب إيه على الحكم اللي بيتكلم عنه وهم مكتسحين الانتخابات. هو متصور انه كده بيخدم الثورة أنا خصم سياسي لهم وبارفض الطريقة الغريبة دى
...
قالك بيستعدوا لمواجهة المجلس العسكري بيبلغ عنهم وهو أصلا المفروض مصدر نفسه بوصفه عدو المجلس. ماحنا عايزينهم يواجهوا المجلس بسلطاتهم المنتخبة
مش كل واحد يطلع يهطرش باتهامات على كيفه. واجه الإخوان بالعمل السياسي والخلاف في الرأي وحتى السخرية مش بإشاعات خطيرة مرسلة ممكن تولع البلد.