هاجم المحلل المالي سامح أبو عرايس، المنسق السابق لحملة «عمر سليمان رئيسا» إعلان " فيلم صنع في مصر ". وقال أبوعرايس: "شفت من شوية إعلان " فيلم صنع في مصر " للمخرج الماسوني عمرو سلامة والممثل الماسوني أحمد حلمي في أول الإعلان جايب صورة عرايس كتيرة وبيقول " عرايس " وبعدها مشهد لأمه بتقوله "إنت لو فضلت تقول الكلام ده الناس هيفضلوا يقولوا عليك مجنون ". وأضاف:" مش عاوز أكون بارانويد بس شكلهم موجهين الرسالة دي لي بأني لو فضلت اشرح للناس الماسونية وحقيقتها وشفراتها الناس هتفضل تقول اني مجنون وقبل ما تستغربوا افتكروا أن باسم يوسف عمل فقرة كاملة من برنامجه اسمها " إعلام وعرايس " وكان بيتكلم عن كلامي والمخرج الماسوني عمرو سلامة كان هو ضيف البرنامج في نفس الفقرة الفيلم نفسه عن واحد تحول لعروسة لعبة على شكل دب الباندا. وتابع: "على فكرة عمرو سلامة أحد من وراء الدمية فاهيتا وأنا كشفت قبل كده أنه أرسل من خلالها رسالة بعمليات إرهابية في ذكرى 25 يناير الماضي وكان جايبها في كليب قصير في مجلس عزاء. وأحمد حلمي في أول صورة نشرها للفيلم كانت صورته ينظر إلى حوض سمك بحيث تظهر عين واحدة من عينيه في رمز للماسونية !!
