اخبار عمرو مصطفى: عمرو مصطفى يهدد رئيس الرقابة

اخبار عمرو مصطفى قام الملحن عمرو مصطفى بتهديد رئيس جهاز الرقابة على المصنفات الفنية أحمد عواض لعدم موافقته على فيلم 'الدساس'، ممهلاً إياه 48 ساعة ليصدر الموافقة.
وعاير عمرو رئيس الرقابة بموافقته على فيلم هيفاء وهبي الجديد "حلاوة روح، ونشر صورة له على صفحته بموقع "فيس بوك" وعلق عليها: 'الباشا ده رئيس الرقابة علي المصنفات واسمه احمد عواض 'مخرج فيلم كتكوت' انتاج السبكي.. الباشا بيظبط أولياء نعمته في الرقابة وتقولوا لي فساد الأشكال دي أصل الفساد'... 'الباشا ده سمح لفيلم هيفاء وهبي بتاع الطفل والجنس.. الباشا ده سمح لكل أفلام كباريهات السبكي وفيلم لامؤاخذه اللي اثاره هتبان على مسيحيين مصر كمان خمس سنوات بفتنة لا يعلمها الا الله'.
واضاف عمرو: 'الباشا ده منع فيلم الدساس علشان فيه إسقاطات سياسية.. متعيطش بقي علشان أنا معنديش حاجة ابكي عليها غير بلدي ومش هسيبك اللي معايا يعمل لايك علشان نطهر أصل الفساد في مصر يوم الاثنين بعد القادم الفاسد لازم يرحل'.. 'تحذير شديد اللهجة الي رئيس الرقابة علي المصنفات أمامك 48 ساعة للحصول على تصريح فيلم الدساس قبل ان يتم اتخاذ الإجراءات التي لن يرحب بها أعداء الوطن وأقسم بالله ستكون نهاية هذه المنظومة الفاسدة علي يدي اللهم بلغت اللهم فأشهد ولا السبكي ولا هيفاء هينفعوكم يا أصل الفساد في مصر يا مروجي الدعارة المقننة يوم الاثنين بعد القادم هتكون ثورة واحتمال تبقي أقوي من 30 يونيو ولن نرحل قبل تطهير هذه البؤرة الفاسدة من جذورها'.