مات زوجى و هو فى عز شبابه بعد .. ( قصة واقعية مؤثرة جداً )

ترددت كتير اكتبلكم موضوعي لاسباب كتير جدا مش عايزه اوجع حد ولا اكون سبب ف دمعه نزلت من عين حد بسببي واللي خلاني اعقد العزم واتوكل علي الله واكتبلكم قصتي سببين
السبب الاول اني عايزه اعرفكم اد ايه ربنا كريم حتي عند نزول المصائب بينزل معاها الصبر
والسبب التاني اني عايزاكم تدعولي من قلوبكم انا والحمد لله ربنا بيحبني انا متاكده من ده
لانه ديما بيحب يسمع صوتي واني بقول يارب علشان كده بيبتليني الحمدلله علي جزيل نعمه وكتيييييير عطاؤه هحكليكم حكايتي من الاخر انا كنت زوجه لمده عشر سنين شوفت فيهم الكتييييييييييير من الالم والعذاب ودعيت رب العزه انه يكشف عني همي وعذابي والحمدلله كشفه وحصلت علي حريتي واطلقت وبدات اشوف الدنيا بمنظور تاني وشكل تاني خالص قربت من ربنا كتير ذقت حلاوه الايمان جربت لذه قيام الليل
اكتشفت السر العظيم ف الرضا والسعاده وهو الذكر والاستغفار والدعاء رايت في منامي مايقول ان الله راض عني ما اتمنيت شئ الا ووجدته امامي دون ان اطلبه والله علي ما اقول شهيد بعد طلاقي بمده قابلته وشاءت اراده الله والف بين قلبينا ولم تكن ظروفه تسمح بالارتباط الرسمي وقتها اتفقنا ان كلامنا لايجوز وانه يفتح بابا للشيطان حتي كلامنا ف التليفون فهو خلوه ولاتجوز وتفرقنا وانا احمل له الكتييييييييييير من الحب في قلبي
وهو كمان ورايته في منامي حزين بيقولي انا بحبك اوي ولم يمنعني عنك سوي خوفي من الله وبدات ادعي رب العزه انه يجمعني به علي كتابه وسنه نبيه وكنت بدعي ليل نهار بيقين وحسن ظن ف الله ليس له حدود وبعد سبع شهرور وفي يوم جميل لقيته جاي يقولي انه مش قادر علي فراقي وان ظروفه اتحسنت وانه دلوقتي يقدر يتمم زواجنا الدنيا مكانتش سيعاني من الفرحه يااااااااااااه الحمد لله يارب انك قبلت دعوتي انك هتجمعني بمن احببت وانك وفيت بوعدك ليه ومن اوفي منك بوعده
واتجوزنا
وكانت فرحته كبببييييييييييييييييره اوووووي يمكن اكتر مني بكتير وبعد شهرين من جوازنا لقيته بيقولي لازم تتعودي تعيشي من غيري انا عايزك اقوي من اي حاجه عايزك اقوي حتي من حبك ليه
انا بحبك اكتر من اي حاجه ف حياتي ونفسي ابقي مطمن عليكي علطول طبعا فهمته غلط وزعلت منه وقتها مكنتش اعرف القدر مخبي لنا ايه وف يوم جالي وقالي انه تعب وانه وقع بس هو بقي كويس بس هو كان مش عايز يخوفني عليه ووصلني عند ماما بعدها بنص ساعه مات مات وهو ف العربيه قبل مايروح الشغل مات وهو ف عز شبابه وصحته
مات زوجي وكنت اخر وش شافه ف حياته واخر ايد شرب منها مات زوجي وابي واخي وابني وكل دنيتي مات زوجي وماتت معاه فرحتي ماتت اول ايد تطبطب عليه وتمسح دمعتي مات اول لسان يقولي اجمل كلام وارق كلام سمعته ف عمري مات اللي عمره ماجرحني بكلمه ولاحرف ولاحتي نظره مات زوجي
اقولكم بقي كرم ربنا عليه انه قبل دعوتي ولبي ندائي ومات وانا زوجته وهنتقابل ف جنه الخلد وانا زوجته شوفتو بقي كرم ربنا عليه انا نزل الصبر علي قلبي ليوفيني اجر الصابرين اللي بيبقي بلا حساب وكمان لم يحرمني من اجابه دعائي ف الدنيا الحمدلله علي جزيل نعمه وكتييييييير عطاؤه
استحلفكم الله تدعو لزوجي بالرحمه والمغفره وانه يقابلني بيه ف الجنه وعايزه اشهدكم اني والله والله راضيه بقضاؤه واسعي ان اكون عند حسن ظن ربي بيه ادعولي استودعكم الله الذي لاتضيع ودائعه