اتغدى معانا : طريقه عمل فته الكوارع باحلي طريقه تخليك تاكلها كل يوم

النهارده هقلوكوا علي طريقه حلوه اوي لفته الكوارع
اخوتننا المتجوزين ، يركزوا معانا هنا بقي - بقولك كوارع
فته الكوارع من الالف الي الياء
طريقه العمل :
1- نحضر الكارع من عند الجزار و طبعا نوصي الجزار ينضفه كويس اوي اوي و يقطعه قطع صغيره و يضبطه كده
2- نروح حطاه في مايه بخل و ملح و دقيق و ننقعه لفتره طويله عشان نتاكد انه بقي نصيف جدا
3- نقطع بصله في حله و عليها شويه زيت و نروح حاطين في الكارع المتقطع و النضيف بعد النقع كمان و ده عشان نشيل منه اي ريحه خالص ، و نضيف شويه بهارارت بقي زي فلفل اسمر و حبهان و لوري و جوزه الطيب و اي بهارات تحبيها ، و نسيبه بقي فيها يغلي غلويتين كده علي السريع ، و اهم حاجه نروح نهدي النار عليه بقي و نسيبه لمده ساعتين كده يستوي علي اقل من مهله .
4- بعد لما يستوي ، نظبط الملح عادي جدا بتاعه و يبقي كده خلصنا اول جزء
5- نعمل أرز ابيض عادي خالص بالطريقه العاديه بتاعتنا خالص ، و دي طبعا كلنا عارفينها و سهله جدا بقي ، بس المهم انك لما تيجي تسوي الارز بقي هتستخدمي شوربه الكوارع
6- نقطع العيش قطع صغيره و نحمصه في شويه زيت او سمنه في الفرن و نروح حاطينه في طبق التقديم او البايركس ، و بعدها نروح حاطين عليه الارز بعد لما يستوي و يخلص و نروح حاطين الكوارع علي الوش في الاخر ، و بالهنا و الشفااااااااااا
7- اهم حاجه يتم تقدميها مع طبق شوربه من الكواراع و متنسوش تدعولي في الاخر