فيسبوكيون: لا غاز ولا جاز ولا بنزين..طب نولع مصر إزاى؟!

بعد أن تصاعدت أزمة نقص الوقود فى عدد من المحافظات أمس الأحد، وتطورت الاحتجاجات نتيجة نقص البنزين والسولار وأنابيب البوتاجاز لتصل إلى قطع الطرق البرية فى الفيوم، وخطوط السكك الحديدية والطريق الزراعى فى المنيا.
وشهدت المستودعات طوابير طويلة فى عدد من المناطق، ووقعت مشاجرات بالقاهرة، وارتباك مرورى بالجيزة نتيجة تكدس السيارات أمام محطات التموين.
عبّر عدد من نشطاء الفيس بوك عن استيائهم لنقص البنزين والسولار وأنابيب البوتاجاز قائلين "لا غاز ولا جاز ولا بنزين.. مصر رايحة على فين؟! ".
وكتب أحد الشباب "لا غاز ولا جاز ولا بنزين.. طب نولع مصر إزاى فى 25 يناير القادم؟!".
ووصف أحد النشطاء على الفيس بوك الأزمة بأنها "مفتعلة ومن مصلحة اللي بيقوم بتضخيمها أنها تبقى أشد اشتعالا "عشان ما نفكرش في الأكثر أهمية" وهو مستقبل مصر، وخلاص بقت الطريقة دي قديمة ورخيصة لأنها أصبحت مستهلكة ومش مصر ولا أهل مصر هما اللي بيغرقوا في شبر ميه".
الحقيقة أن "اللي بيغرق في شبر ميه" هم أعداء مصر وهم فاكرين أن الفرصة بتاعتهم هيا دي، انتوا غلطانين ومش راح تنجحوا عارفين ليه؟ لاننا عارفين انتو بتعملو ايه وبتعملوه ليه ونهاية اللي بتعملوه ايه، كل دا فشنك ما بيعورش حد ولا بيطير دبانة".