الغندور يفتح النار على شوبير

انتقد لاعب نادي الزمالك ومنتخب مصر السابق، خالد الغندور، حارس مرمى الأهلي ومنتخب مصر السابق، الإعلامي أحمد شوبير، متهما إياه بالتحيز للأهلي، وعدم مراعاة المهنية والحيادية.
وقال الغندور خلال برنامجه "اللعبة الحلوة" على فضائية "LTC"، مساء أمس الجمعة، "في يوم من الأيام اتكلمت وقولت جاريدو وحش، الدنيا قامت عليا، وفي يوم من الأيام الميرغني قال أتمنى التوفيق للإفريقي التونسي الشقيق، آه هو مستفز يعمل كدة، لكن من قبله ميدو عمل كدة، أي حد بيحب الزمالك من اللاعبين عايز الأهلي يخسر، ونفس القصة الأهلي بيحب الزمالك يخسر".
وأضاف خالد الغندور "الكابتن شوبير بيصرخ لما بيشجع الأهلي برة، وعايز الزمالك يخسر، لابد ميكونش فيه نفاق"، ووجهة حديثه للإعلامي أحمد شوبير "في الإعلام مينفعش يبقى فيه تحيز، وتقول الأخ المتغندر متخلف عقلي، هو أنا ينفع يعني أقول شوشو متخلف عقلي، أنت ليه بتحجر على رأيي".
وتابع "زوجة شوبير طلعت شتمت في الزملكاوية، متقول لزوجة حضرتك بدل الميرغني الغلبان، ومتكلمتش على ميدو ليه".