خاص بالفيديو .. نجل الرئيس يهاجم وزير الداخلية بسبب "شوية عيال"

تصوير سارة عبد الباقي:
وصف أحمد مرتضى منصور عضو مجلس إدارة نادي الزمالك مجموعة أولتراس وايت نايتس بأنها مجموعة ارهابيه، غير مرتبطة بنادي الزمالك، أو بأي نادٍ آخر، وقال في تصريحات خاصة ل"أخبار الزمالك": "مستحيل اللى كسر نادي الزمالك او حاول يقتل يخرج، وهيفضل في السجن طول عمره أيًا كانت العواقب او التهديدات".
وأضاف احمد مرتضى: "مش محتاج اقول انى طلعت مجموعات كتير من الولاد دول من السجن، لانى كنت بعتقد انهم بينتموا للنادي، ومكنتش اعرف انهم ارهابيين"، وتابع: "و مش محتاج اقول انا عملت ايه مع عمرو حسين لان ده واجب عليا وكلنا تأثرنا بوفاته ونحتسبه من الشهداء ان شاء الله".
وطالب مرتضى الدولة والحكومة بتعقب مجموعات الأولتراس لأنها قضية أمن قومي، قائلًا: "لو الداخلية مش قادرين يحموا الدولة نجيب وزير تانى قادر على حمايتها، والجمهور باين والبلطجي باين".
وواصل احمد مرتضى هجومه على كابوهات الاولتراس بقوله: "سيد مشاغب ده لو ليه شغلانه كان اشتغلها هو ملقاش حاجه غير انه يعمل سبوبه من الكابوهات"، واختتم: " لو وقفوا هم وأهاليهم على ايديهم مش هنتنازل عن القضية، وهنفضل نشتغل بم يرضى الله، ولو أعضاء النادي شايفين ان المجلس مقصر هنستقيل، والعيال دى الحكومة هتجيبهم ان شاء الله".