خاص بالفيديو ..مرتضى لأحمد سمير: انا اللى جبتك من المحلة .. اتكسف على دمك

تصوير سارة عبد الباقي:
شن مرتضى منصور رئيس نادي الزمالك هجومًا عنيفًا على أحمد سمير لاعب الزمالك السابق، خلال المؤتمر الصحفي الذي عقده بمقر النادي بميت عقبة، قائلًا: "بيهددنى ببلجيكا؟ هتعملي ايه بلجيكا يعنى، وأنا اللى جبت أحمد سمير ده من المحلة".
وقارن مرتضى موقف سمير الذي تقدم بشكوى ضد الزمالك للحصول على مستحقاته المالية المتأخرة بموقف من تنازلوا عن مستحقاتهم ورحلوا كنور السيد وأحمد جعفر وإسلام عوض وعرفة السيد، قائلًا: "دى نماذج محترمة"، وتابع: "ادينى فلوسي يا جدع .. انت خدت بطولات؟ 9 سنين مفيش حاجه خالص .. خليت الفرق بينك وبين النادي الأهلي المحترم العريق 9 بطولات، بعد ما كنت سابقه ب5 بطولات افريقيا، اتكسف على دمك انت وهو".
وشدد مرتضى على أن الزمالك لم يقترض من أى بنك، مضيفًا: "الاشتراكات زادت 50 جنية بس في السنة رغم انى من حقي كجمعيه عمومية لما متكتملش أزود الاشتراك من 20 ل 30%".