معروف: برادلي الكفتجي حرق دم المصريين .. والكلاب مش عايزينا نفرح شوية

واصل محمود معروف الناقد الرياضي هجومه على وزارة الداخلية بسبب السماح ل 10 الاف متفرج فقط بحضور لقاء مصر وزيمبابوي الذي انتهى بفوز الفراعنة بهدفين مقابل هدف.
وقال معروف في مقاله بصحيفة الجمهورية موجها حديثه لوزارة الداخلية: عيب جداً أن يلعب منتخب مصر أمام عشرة آلاف متفرج فقط!!
وفيما يلي نص المقال:
شعب مصر:
** قولوا للكلاب.. سيبوا مصر تفرح شويه بأولادها الكبار والشباب بعدما أصبح كأس العالم علي الأبواب!!
المنتخب الأول:
** حرقتم دمنا في ملعبنا وأرضنا.. لكن زي بعضه ألف مبروك!!
منتخب الشباب:
** العيال كبرت وبقوا رجالة!!
عبدالحليم حافظ:
** 36 عاماً مرت علي رحيلك ومازال مكانك علي القمة شاغرا!!
برادلي:
** أنت أكبر كفتجي في التشكيل.. والتغيير!!
محمد أبوتريكة:
** مبروك.. هدفك كربون من هدف مجدي عبدالغني في هولندا.. ربنا عايز الشعب المسكين يفرح!!
"الشيخ" ربيع ياسين:
** ببركاتك مش نهزم بس نيجيريا.. ممكن كمان نهزم إسبانيا!!
محمود "كهربا":
** الفولت بتاعك عالي جدا.. يا ابني نورت مصر اللي ضلمتها وزارة الكهربا!!
منتخب زيمبابوي:
** تستحقون التهنئة.. لعبتم مباراة رائعة.. لكن برضه سنهزمكم في هراري لأننا سنترك برادلي في القاهرة!!
رامي ربيعه:
** أنت وربيع أحلي ما في الربيع!!
وزارة الداخلية:
** عيب جداً أن يلعب منتخب مصر أمام عشرة آلاف متفرج فقط!!
مسعد عوض:
** ستكون حارس مصر الأول في أوليمبياد ريودي جانيرو 2016 ويمكن كمان في كأس العالم 2018 بروسيا!!
منتخب غانا:
** لا يلدغ المؤمن من جحر مرتين.. لكنكم ستلدغون من مصر مرتين!!