رضا عبد العال : قناة الاهلي " بتعمل برامج على حسي " ..والبلدوز يكشف الاهلى يجمد صفقة النجم المغربي

هاجم رضا عبد العال، قناة الأهلي وبرامجها المسخرة للرد عليه فقط حسبما قال عبر قناته الرسمية على موقع التواصل الاجتماعي يوتيوب.
وقال رضا عبد العال في تصريحاته:" قناة الاهلي بتعمل برامج على حسي .. رضا قال ويردوا عليا .. رضا عاد ويردوا عليا .. فين دماغكم انتم ؟ ما تسيبوكو مني عشان انا مش هقول الكلام الي بيريحكم .. اكتر نادي انا بنتقده هو نادي الزمالك ومع ذلك محدش فيهم عاملي برنامج واحد للرد عليا .. بدل ما انتو قاعدين تردوا عليا شوفوا ايه العيوب الي عندكم وحاول تصلحوها ولا دي مستحيلة"
اضاف:"لما الشناوي غلط في ماتش سموحة قولت بقى مغرور ومتكبر ولازم يتقرص ودنه والكل هاجمني وبعد كدة غلط تاني في ماتش بيراميدز وورط الأهلي"
وتابع رضا حديثه:"بنتقد الزمالك كتير ولكن الزمالك دلوقتي عنده لجنة محترمة بتحاول تشوف العيوب فين وتصلحها وتشتغل بجد"
وختم حديثه قائلا:"اللي في قناة الاهلي كل همهم انهم يرضوا الادارة وخلاص عشان يقبضوا اخر الشهر مش بيحبوا الأهلي اساسا" .

مجدى عبد الغنى: الأهلي يُقرر تجميد صفقة سفيان رحيمي
أكد مجدى عبد الغنى إنه تجمّدت مفاوضات النادي الأهلي مع الرجاء المغربي بشأن حصول الأول على خدمات سفيان رحيمي نجم الفريق المغربي.أضاف عبد الغنى خلال تقديم برنامجه "ملعب البلدوزر" عبر شاشة "الشمس" إن تجميد المفاوضات جاء بسبب التفاوت الواضح بين طلبات الرجاء وعرض الأهلي لأتمام الصفقة .تابع مجدى عبد الغنى إنه رغم قناعة الأهلي بقدرات سفيان إلا أن الخلاف المالي جعل الأهلي يُقرر تجميد الصفقة والبحث عن صفقة أخرى داخل القارة السمراء.

أردف إن الأهلي يرغب في ضم صفقة أجنبية أو أكثر لذا بدأ مسئولو القلعة الحمراء البحث عن لاعب أفريقي صاحب أمكانيات فنية عالية وبمقابل مالي مُناسب لقدراته.