«لية في ناس بتكرهك؟».. محمد رمضان يجيب على سؤال أنس بوخش

رد الفنان محمد رمضان، على سؤال الإعلامي الإماراتي أنس بوخش، عن سبب كره بعض الناس له.
وتحدث محمد رمضان خلال لقائه في برنامج«ABtalks»، قائلا: «والله أنا مبشوفش حد بيكرهني، بالعكس الجمهور بتربطني بيه علاقة نادرة مش بتحصل بين فنان وجمهور كتير، ممكن يكون بعض الناس اللي مثلا خطواتك بدون ما تشعر تؤذيهم، أحيانا بتكون بتعمل خطوات في مجالك بتقزم زمايل ليك في نفس المجال، من دون ما أنت تشعر».
وأضاف محمد رمضان: «أنا مقصدش أن أعمل دا عشان أنت تحس أن إيه دا هو بيكشفني دا أنا كنت بقول للناس إن أنا أشهر واحد، فالناس تبدأ تتسأل طيب هو ليه مختاروكش فيبقى فاكر أن أنت بتعمل دا عشان الناس تقول طيب هو ليه مجابوش فلان هو مشهور عندنا إحنا بس، دا مش بيجي في دماغي أنا باخد خطوات كل خطوة بتشاور على الخطوة اللي بعدها».
تفاصيل فيلم «أسد»
وفي سياق أخر، يستعد الفنان محمد رمضان لطرح أحدث أعماله السينمائية فيلم «أسد» ويشاركه البطولة أكثر من 70 ممثلًا من بينهم 12 نجمًا رئيسيًا وعدد من ضيوف الشرف من مصر ولبنان وفلسطين والسودان، إلى جانب عشرات الأدوار الثانوية.
ويتولى الإخراج محمد دياب، بينما كتب السيناريو شيرين دياب، محمد دياب، وخالد دياب، ويضم فريق العمل أسماء بارزة مثل مدير التصوير أحمد بشاري، المونتير أحمد حافظ، والموسيقار هشام نزيه.