باسم يوسف: فقدت أهلية إني أكون طبيب.. «15 سنة ما حطّتش إيدي على عيّان»

كشف الإعلامي باسم يوسف العديد من الأسرار حول حياته، في حلقة اليوم من برنامج "كلمة أخيرة" الذي يقدمه الإعلامي أحمد سالم، على قناة ON، وذلك في أول ظهور له على الشاشة المصرية منذ سنوات.
وأعرب باسم يوسف في بداية لقائه عن سعادته بالظهور الإعلامي من خلال قناة ON، التي شهدت أول ظهور له عام 2011.
وفي بداية الحوار، داعبه أحمد سالم قائلاً:"اتفقنا هتقولي أستاذ هقولك يا دكتور وأنا عارف علاقتك بالطب مش زي الأول"، ليرد عليه باسم يوسف قائلاً:"أنا فقدت الحق إني يتقال لي دكتور، وبقالي 15 سنة ما حطتش إيدي على عيان وده لمصلحتهم، أنا فقدت هذه الأهلية من زمان جدًا".
واسترجع باسم يوسف بداياته، قائلاً:" معظم الشباب الصغير مش فاهمين ليه الدوشة؟ مين عمو اللي طالع على التلفزيون ده؟"
وعن سبب انتظار الجمهور لظهوره مجددًا: "الناس عاوزة تتسلى، لو عملت حوار مع لعيب كورة، ممثل مشهور، ممثل له شعبية، أو إنفلونسر، الناس مستعدة تدفع فلوس من وقتها علشان التسلية دي.. أكتر حاجة بتسمعها: إزاي لعيب كورة ياخد الفلوس دي؟ يعني إيه أتمرمط في هندسة وطب، وييجي واحد أراجوز ولا إنفلونسر ياخد في الدقيقة أكتر ما باخد في السنة؟ أنا كواحد أتمرمط في الطب 20 سنة، شايف الموضوع ده صح جدًا.
واستكمل: "ممكن تكون شايفه مش عدل، ولكن له مبرر.. الناس بتجيبك كدكتور كاحتياج، لكن اللي بيروح ماتش كورة أو ستاند أب كوميدي أو فيلم رايح بمزاجه، الناس مستعدة تدفع علشان المزاج أكتر ما تدفع علشان الاحتياج، وكلنا سلع في الآخر، الناس بتروح للي بيسليها".
اقرأ أيضا | باسم يوسف يعلق على شائعات تقاضي 22 مليون دولار