تامر حسني يتعرض لإصابة بكسر في قدمه ويخطط لتجربة غنائية جديدة

كشف الشاعر الغنائي رمضان محمد عن تعرض النجم تامر حسني لإصابة في قدمه، دخل على إثرها المستشفى، وذلك في منشور عبر حسابه الرسمي على "فيسبوك".
وقال رمضان محمد: "تامر حسني ده حوار كبير بجد.. بقالنا فترة بنتكلم وبنشتغل بنفس الحماس والطاقة اللي بيتميز بيها تيمو، واللي بتخلي كل اللي حواليه يجتهدوا أكتر. وفجأة بكلمه النهاردة، يقولي أنا في المستشفى من فترة بسبب كسر في رجلي وبعالجه.. ولا قال لحد، ولا اشتكى، ولا حب يدي طاقة سلبية لأي حد من اللي حواليه. بجد إنسان جميل وفنان نادر وصعب يتكرر.. ألف سلامة عليك يا تيمو".
ورغم الإصابة، واصل تامر حسني تواصله مع جمهوره عبر السوشيال ميديا، حيث كشف عن فكرة جديدة يعمل على تنفيذها في حفلاته القادمة.
جاء ذلك ردًا على تعليق من إحدى معجباته، اقترحت فيه أن يقدم حفلة بأسلوب أكثر هدوءًا يشبه حفلات دار الأوبرا، مع التركيز على الأغاني الرومانسية.
تامر حسني تفاعل مع الاقتراح قائلًا: "أنا فعلاً فكرت في كده، وكمان إني أوزعها كلها مع أوركسترا كبيرة. كتير نفسي أغني من غير حركة وتنطيط ورايح جاي وهيبرة".
وأضاف تامر: "نفسي أقدملكم حفلة كاملة بالطريقة دي.. شجعتيني يا هالة والله. إيه رأيكم يا شباب؟ ولا كلكم عايزين تنطيط وزحمة؟ قولولي رأيكم".