لاعب شباب الزمالك: "بتعامل أسوأ معاملة والموضوع زاد عن حده"

خرج عمار ياسر لاعب فريق الشباب بالزمالك، عن صمته وتحدث عما يمر به منذ انتظامه في مران فريق الشباب، بعدما تم تصعيده للفريق الأول.
وقال عمار عبر صفحته على موقع التواصل الاجتماعي إنستجرام:
«أنا كنت ساكت ومش حابب أتكلم في حاجة زي دي، لكن كل يوم الموضوع
بيزيد عن حده».
تابع: «أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غضب عن حد، أو واخد مكان
حد».
أضاف: «من السنة اللي فاتت لحد دلوقتي بيجيلي عروض إعارة وبيع وكلها كانت بتترفض من غير ما أعرف مين السبب».
أردف: «من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترضتش».
أتم: «ولما أتكلم مع حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟».