بين القبول والرفض.. نجوم الفن يكشفون رأيهم في مشاهير «التيك توك»

تصدرت أزمة «التيك توكر» حديث الشارع المصري خلال الساعات الاخيرة، بعد القبض علي معظمهم وتوجيه العديد من التهم اليهم بالاخص المنافية للإداب و خدش الذوق العام.
ترواحت آراء نجوم الفن في مشاهير "تيك توك" بين القبول والرفض، حيث هاجم العديد منهم «التيك توكر» والبعض الأخير دعمهم، وفي هذا التقرير ترصد "بوابة أخبار اليوم"، أبرز الآراء:
محمد هنيدي يفتح النار على «التيك توك»
من جانبه، أبدى الفنان محمد هنيدي استياءه من حالة الانحدار في بعض محتويات تطبيق "تيك توك"، في ظل انتشار مقاطع صادمة حصدت ملايين المشاهدات، معتبرًا أن الأزمة تتجاوز فكرة "الذوق العام" لتصل إلى تغيير حقيقي في سلوك ووعي المجتمع.
جاءت تصريحات هنيدي تعليقًا على بث مباشر قدمه الإعلامي محمود سعد حول أزمة التيكتوكرز الأخيرة، حيث شارك هنيدي رأيه في تعليق نشره سعد لاحقًا عبر صفحاته على مواقع التواصل.
قال هنيدي: "المشكلة مش بس في تدخل الدولة أو حماية الذوق العام، دي أزمة أعمق، لأن نوعية معينة من المحتوى، اللي فيه إيحاءات وألفاظ خارجة، بقت بتحقق مشاهدات ضخمة وبتجذب شريحة واسعة من الناس، وأحيانًا حتى إحنا بنتفرج بدافع الفضول".
وأضاف هنيدي: "في ناس بدأت تسيب شغلها وتقلد النوع ده من الفيديوهات، ومع الوقت، بيزودوا جرعة الابتذال عشان يكسبوا مشاهدات، والمشكلة الحقيقية إن الجمهور بيتفاعل وبيشجع، وده بيخلق حلقة مفرغة."
وتابع هنيدي: "النهاردة تيك توك بقى المنصة الأولى في مصر، ولو نزلت أي مول هتلاقي الناس عارفين أسماء التيكتوكرز أكتر من أسماء الفنانين، بقوا نجوم بيتكرموا وبيصوروا إعلانات، وده بيأثر على العقل الجمعي للمجتمع".
واختتم هنيدي: "الجيل الجديد بقى شايف إن النجاح هو قلة الأدب أو لفت الانتباه بأي طريقة، وناس كتير بتحس بالإحباط، لأن اللي بيشقى وبيتعب بياخد أجر أقل بكتير من اللي بيشتم في لايف ويحقق آلاف الجنيهات."
بدرية طلبة تدافع عن «التيك توكرز»بعد القبض عليهم
دافعت الفنانة بدرية طلبة عن صانع المحتوى على تطبيق «تيك توك»، بعد إلقاء وزارة الداخلية القبض على عدد منهم.
وكتبت بدرية طلبة عبر حسابها على «فيس بوك»:"الحقيقة بتزعل وساعات بتوجع وأناحفضل أقول الحق بتاع ربنا (بعض) الشمتانين في البلوجر اللي أتقبض عليهم غيرانين من الفلوس اللي بتدخلهم من الدعم على التيك توك".
تابعت بدرية طلبة: "سيبك بقي من اللي يقولك أنه فرحان علشان البلد تتضف واسلوبهم وطريقتهم ومحتواهم عموما اللي محتواه قليل الادب يتعاقب والغير محترم يتعاقب واللي بيغسل يتعاقب".
اختتمت بدرية طلبة: "اللي ربنا كرمه من الدعم بدون أي شبهات ده رزقه وده حقه وهو مضربش حد على إيده علشان يدعمه والشمتان مهما يعمل دي أرزاق ربنا مقسمها محدش بياخد رزق حد".
محمد سليمان يؤيد القبض على "التيك توكرز"
كما تفاعل الفنان محمد سليمان مع الاجراءات الأخيرة التي استهدفت عدد من "التيك توكرز"، بسبب خروجهم عن الآداب العامة، واصفا هذه الخطوة بأنها " تنظيف السوشيال ميديا من القاذورات".
وكتب محمد سليمان، في منشور له عبر حسابه على " فيس بوك"، قائلا : "الحال المقلوب لازم يتعدل، القبض على البلوجرز ده اسمه: تنظيف!، البلوجر اللي بيطلع يقل أدبه... لازم يتكسر له الموبايل مش بس يتقبض عليه!".
وأضاف محمد سليمان: "اللي بيقرفك في الشارع.. هو نفسه بيجيلك على التيك توك!، اللي بيقولوا حرية.. بيصدروا لعيالنا قذارة على هيئة ترند!، أنا مع أي إجراء بيحمي عيالنا من القاذورات اللي اتسمّت محتوى".