محمد هنيدي يفتح النار على «التيك توك»: الشهرة أصبحت مكافأة للابتذال!

أبدى الفنان محمد هنيدي استياءه من حالة الانحدار في بعض محتويات تطبيق "تيك توك"، في ظل انتشار مقاطع صادمة حصدت ملايين المشاهدات، معتبرًا أن الأزمة تتجاوز فكرة "الذوق العام" لتصل إلى تغيير حقيقي في سلوك ووعي المجتمع.
وجاءت تصريحات هنيدي تعليقًا على بث مباشر قدمه الإعلامي محمود سعد حول أزمة التيكتوكرز الأخيرة، حيث شارك هنيدي رأيه في تعليق نشره سعد لاحقًا عبر صفحاته على مواقع التواصل.
وقال هنيدي:"المشكلة مش بس في تدخل الدولة أو حماية الذوق العام، دي أزمة أعمق، لأن نوعية معينة من المحتوى، اللي فيه إيحاءات وألفاظ خارجة، بقت بتحقق مشاهدات ضخمة وبتجذب شريحة واسعة من الناس، وأحيانًا حتى إحنا بنتفرج بدافع الفضول."
وأضاف:"في ناس بدأت تسيب شغلها وتقلد النوع ده من الفيديوهات، ومع الوقت، بيزودوا جرعة الابتذال عشان يكسبوا مشاهدات، والمشكلة الحقيقية إن الجمهور بيتفاعل وبيشجع، وده بيخلق حلقة مفرغة."
وتابع هنيدي:
"النهاردة تيك توك بقى المنصة الأولى في مصر، ولو نزلت أي مول هتلاقي الناس عارفين أسماء التيكتوكرز أكتر من أسماء الفنانين، بقوا نجوم بيتكرموا وبيصوروا إعلانات، وده بيأثر على العقل الجمعي للمجتمع."
اقرأ أيضا|
«السينمائيين» تعلن نتائج «منصة السيناريو».. وتكرّم الفائزين بالغردقة
"الجيل الجديد بقى شايف إن النجاح هو قلة الأدب أو لفت الانتباه بأي طريقة، وناس كتير بتحس بالإحباط، لأن اللي بيشقى وبيتعب بياخد أجر أقل بكتير من اللي بيشتم في لايف ويحقق آلاف الجنيهات."