احتلت المركز الأول على يوتيوب.. «ملامحنا» تضع الكينج على القمة مجددا

أصدرت شركة روتانا للصوتيات والمرئيات يوم الأربعاء الماضي أغنية جديدة بعنوان "ملامحنا" ل الكينج محمد منير، وقد لاقت الأغنية فور إصدارها على قناته الشهيرة على يوتيوب وجميع المنصات الموسيقية استحسانًا كبيرًا، حيث تصدرت قائمة التريند على المنصة وحققت نجاحًا لافتًا.
وأغنية "ملامحنا" هي من كلمات هالة الزيات وألحان أحمد زعيم، بتوزيع عمرو عبدالفتاح ومكساج وماسترينغ أمير محروس، تحت الإشراف العام لأسامة رشدي، المدير التنفيذي للشؤون الفنية في شركة روتانا بالقاهرة.
اقرأ أيضا| جميلة عوض تعيش قصة حب مع مينا مسعود في عز الضهر
وتقول كلمات الأغنية كالتالي:
"كل أما نصور ملامحنا ملامحنا
مش دايما بنكون هو إحنا
أوقات بنبان نشبه روحنا نشبه روحنا
وأوقات نتغير
أوقات في الصورة نبان أهدى نبان أهدى
وأوقات في اللمة تبان وحده
وأوقات ملامحنا تبان باهتة تبان باهتة
وساعات بتنور
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا مابقتش صورنا تفرحنا ليه زي الأول
كل أما نطبطب على روحنا على روحنا
بنحن لذكرى بتدبحنا
وكل أما نلملم في جروحنا في جروحنا
قلوبنا بتتعور
فيه ناس من نظرة بتلمحنا بتلمحنا
وأول أما وجودها يريحنا
فجأة بتمشي وتاخد روحنا تاخد روحنا
فوق ما بنتصور
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا مابقتش صورنا تفرحنا ليه زي الأول".