نجل حسن الأسمر يكشف سر «أغلى من عينيّا» بعد 17 عامًا من تسجيلها

كشف الفنان هاني حسن الأسمر نجل المطرب الشعبي الراحل حسن الأسمر، كواليس إطلاق أغنية جديدة بصوت والده بعنوان "أغلى من عينيا" والتي خرجت للنور بعد أكثر من 14 عامًا على وفاته، موضحًا أنها سُجلت قبل 17 عامًا، أي قبل رحيله ب 3 سنوات كاملة.
وقال هاني في تصريحات صحفية : "الأغنية دي من الحاجات القريبة لقلبي جدًا، اتسجلت زمان بكلمات الشاعر أحمد شتا وألحان محمود خيامي وتوزيع ياسر ماجد، وهندسة صوت مصطفى رؤوف. كنت حاضر وقت التسجيل، والنهاردة وأنا بسمعها حاسس إنه جنبي".
وأضاف: "دي مش أول تجربة، سبق وطرحت أغنية ديو بعنوان" صياد لم الشبك يا ابني" ، لكن دلوقتي استخدمت الذكاء الاصطناعي (AI) علشان أرجّع صوت والدي، مش علشان تريند، لكن علشان الناس تفتكره وتحس بوجوده تاني".
وأشار إلى أن عملية إحياء صوت والده بالذكاء الاصطناعي كانت مجهدة: "باشتغل على كل تفصيلة، ممكن نقعد 5 أو 6 أيام متواصلين علشان نطلع صورة وصوت يليقوا بيه، حسن الأسمر مدرسة كبيرة وتاريخه ميستحقش يطلع بشكل أقل من اللي كان يقدمه".
واختتم قائلًا: "الناس بتحب حسن الأسمر، وأنا كمان واحد من جمهوره، والانتقاد طبيعي، بس اللي يهمني إن الأغنية توصل للقلوب".