مش عارفة أنام .. ميار الببلاوي توجه رسالة مؤثرة ل أحمد السقا

علقت الإعلامية ميار الببلاوي علي أزمة الفنان أحمد السقا عبر صفحتها على موقع التواصل الاجتماعي فيسبوك.
وكتبت ميار الببلاوي :"مش عارفة أنام من زعلى على أخويا وعشرة عمرى أحمد السقا ،والله ما ببالغ لأنى عارفة أحمد كويس أوى حتى لو السنين بعدتنا وعارفة إحساسه يا قلبى دلوقتى الفروسية اللى فى شخصية أحمد مش بيظاهر بيها يا جماعة هو فعلا جواه فروسية نادرة فى الزمن ده..
اقرأ أيضا|ميار الببلاوي: ليلى علوي قالت لزوجي عني: «ذوقك وحش قوي»
راجل بيته حنين على مراته وولاده لسه فاكره اليوم اللى شاف فيه مها وقرر يخطبها وكنا بنصور مسلسل رد قلبى فى استوديو الأهرام وأنا ورامز كنا قاعدين بنحفظ مشهد دخل وقالى ميورة عاوزك قلتله فى إيه خضتنى وساعتها كان صاحبه أوى الفنان الجميل أخونا خالد محمود قالى باركى لأخوكى قلتله ليه مسلسل جديد قالى لا هخطب مها الصغير قلتله يا شيخ قالى اه وبحبها أوى قلتله دى قمراية وباباها أخلاق وكلنا بنحبه فعلا وشه كان بيتنطط من الفرحة.. ومرت السنين وطلعنا الحج سوا وكانت معانا مها خوفه عليها واهتمامه بيها والله شهادة حق راجل بمعنى الكلمة وهى كانت جميلة وكيوت وبتسمع كلامه وبتحترمه.. فى ايه يادنيا دول 26 سنة وشباب وبنوته الله يربط على قلبك يا قلب أختك. مقلناش حاجة حقها ترتبط بعد الطلاق بس حرقة قلبه دلوقتى مش عليها على ولاده وصدمتهم فى أمهم رغم إنها معملتش حاجة غلط بس فى اعتبارات وكلمتى ليك يا أحمد ادعى وإنت على جبل عرفات أن يؤجرك الله فى مصيبتك ويخلفك خيرا منها واللى بيمشى هو الخسران أو الكسبان حاجة ترجعله
.ترجع بالسلامة يافارس الفرسان وأزمة وتعدى وياما دقت على الراس طبول يا حبيبى وإنت قدها وادود ركز فى حجك وترجع ربنا هيراضيك وكل سنة وإنت فارس وجدع وسيد الناس".
وكان قد أكد الكاتب الصحفي أيمن نور الدين، على أن ارتباط الفنان طارق صبري والإعلامية مها الصغير- طليقة الفنان أحمد السقا، ليس مجرد شائعات بل هو ارتباط حقيقي.
وأكد "نور الدين" في اتصال هاتفي مع الإعلامية نهال طايل ببرنامج تفاصيل، المذاع على قناة صدى البلد 2، أن الزواج بين الثنائي تم الإعلان عنه، واعتزموا على الزواج وعقد القران، ولكن قد يتراجعا بسبب الضغوط الإعلامية والتفاعل الكبير على منصات التواصل الاجتماعي.
وأوضح أيمن نور الدين، على أن ارتباط مها الصغير وطارق صبري ليس شائعات، قائلاً: "الخبر أكيد بنسبة 100% من مصادر مؤكدة، قريبة جداً من أصحاب الواقعة، فأنا متأكد من ارتباطهما".