الصور الأولى من حفل زفاف مطرب المهرجانات «مسلم»

يحتفل مطرب المهرجان مسلم اليوم الثلاثاء الموافق 20 من مايو الجاري، بزفافه على زوجته يارا، في أحد فنادق القاهرة، وبحضور الأصدقاء والأقارب.
مسلم يتحدث عن علاقته ب يارا زوجته
يذكر أن الثنائي، أعلن عن فسخ خطبتهما ما أثار ضجة واسعة وحالة من الجدل بين متابعيه على مواقع التواصل الاجتماعي.
وفي أول تصريح له بعد الانفصال، كشف المطرب مسلم لبرنامج "أسرار" الذي تقدمه الإعلامية أميرة بدر على قناة "النهار"، أنه عاد مجددًا إلى خطيبته السابقة، مشيرًا إلى أنها كانت دائمًا إلى جانبه ودعمته في العديد من المواقف.
وتابع: خطبت بعد طلاقي ب 7 شهور، لأني حبيت من قلبي مش بعقلي واختيار قلبي، والمرة اللي فاتت كانت اختيار الناس وأني اقعد في البيت واتجوز وممشيش غلط، وكلنا بنغلط وكلنا خطائين، واللي خطبتها من برا المجال ومحترمة من عيلة، واتظلمت معايا، وكانت بتستحمل، والناس افتكرت انها اخدتني من طليقتي وابني.
واستكمل حديثه قائلا: أنا معملتش حاجة غلط وعملت خطوبة زي أي بني آدم ومجرحتش حد طليقته بالخطوبة اللي عملتها، وراعيت مشاعرها وعمري ما هجرحها لأنها أم ابني، وكنا مطلقين ومش قايلين لحد، ولما بدأنا نشوف حياتنا قولنا نعلن عشان الناس تعرف، الناس قالت خطوة سريعة، ولكن حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة .