«فتحي عبد الوهاب»: أعجبت بسيرة نظام الملك في الحشاشين

قال الفنان فتحي عبد الوهاب، " أحب شخصية "نظام الملك" في مسلسل الحشاشين، أنا احترمت الشخصية دي، واحترمت سيرتها، وكنت أتمنى ألا تكون ضيف شرف، ورغم كوني دور ضيف شرف، إلا إنه كان مؤثرًا".
وردًا على سؤال الإعلامية لميس الحديدي: " فتحي عبد الوهاب معندوش مشكلة إن الدور يكون صغير أو قصير؟، وأجاب، خلال لقائه في برنامج "كلمة أخيرة" على قناة ON: " لا يهمني قصر الدور أو طوله أو مساحته، لإنني أيقنت منذ البداية أن ما يبقى هو الدور والشخصية نفسها، وليس المساحة الناس مش هتقعد تفتكر الأفيش، ومين اسمه يسبق التاني... هيفتكروا تأثير الشخصية".
وعن أقرب الشخصيات إلى قلبه مما قدمه، قال: " دائمًا أحب آخر دور قدّمته".
اقرأ أيضا|فتحي عبد الوهاب يوجه رسالة ل «عبلة كامل وعادل إمام ومحمد صبحي »
وعن حبه للكوميديا وميله لها أكثر من التراجيديا، علّق قائلاً: " أحب الكوميديا الحقيقية... زي فيلم ثقافي، دي الكوميديا الحقيقية، ومثل فيلم إشاعة حب، مين فينا مش لسه بيضحك بعد كل السنين دي على يوسف وهبي وهو بيسخر من نفسه وأداؤه مع عمر الشريف؟ دي الكوميديا المستمرة الحقيقية، اللي مش معتمدة على الكوميديا اللفظية أو النكتة اللي ليها وقت وتنتهي".
وعن انتشار صور "السيلفي" الخاصة به على مواقع التواصل الاجتماعي، قال: " كان عندي نظارة غريبة في البيت، ومكنتش فاهمها، كان شكلها عجيب، جربت أشوف شكلها عبر الموبايل، مش المراية، ففتحت الكاميرا وبصيت، والصورة اتشيرت صدفة من غير ما آخد بالي، وبقى الشرق الأوسط كله بيسف عليا".
واختتم: " عجبتني ومن بعدها عملت سيلفي الأنف العجيب مع كل الفنانين".