عمرو أديب ل أحمد السقا ومها الصغير: «زي ما دخلنا بالمعروف نخرج بالمعروف» (فيديو)

علق الإعلامي عمرو أديب، على أزمة الفنان أحمد السقا وطليقته الإعلامية مها الصغير، بعد تصاعد الخلافات بينهما ووصول الأمر إلى محاضر في الشرطة.
وقال أديب، خلال برنامجه «الحكاية» عبر قناة «mbc مصر»، مساء السبت، إن الفنان مثل أي إنسان، مشيرًا إلى أن حالات الطلاق في الوسط الفني تكون واضحة للعيان.
وأضاف: «لما يبقى في مشكلات عائلية تخص أحمد السقا، ده بيبقى خبر، الناس تهتم به، ولذلك يجب أن يتهم الفنان دائما إن أخباره تكون طبيعية، وميكونش في أخبار غريبة أو مستهجنة، لأن الفنان له عشاقه والناس تنظر له إنه قيمة كبيرة»
وتابع: «محدش عنده مشكلة إنك تطلق مراتك، لكن عندنا مشكلة في الأخبار اللي تقال… لا ده بيجري وراها أو اعتدى عليها، ووسط كل ده الأخبار بتنتشر وبتكبر، لكن الموضوع في النهاية في إيد أحمد ومها، يقدروا يخلوا شكلها جيد ومحترم، لأن عندهم أولاد، وزي ما أمي كانت بقول زي ما دخلنا بالمعروف نخرج بالمعروف».
وطالب أديب الطرفين (أحمد السقا ومها السقا) بإنهاء هذه الأزمة قائلًا: «كفاية كده، لأنهم شخصيتين محترمتين ولهم وضعهم في المجتمع، الطلاق بيحصل والناس بتتطلق عادي، بس اللي مش عادي إنه يكون رغبة في الانتقام والشر، لأ، خالص دخلنا بالمعروف نخرج بالمعروف، أنا بناشد صديقي وبقوله اهدا يا أحمد».
أحمد ومها يقدروا يحلوها وزي ما دخلنا بالمعروف نخرج بالمعروف.. عمرو اديب يعلق على ازمة احمد السقا ومها الصغير
برنامج #الحكاية يعرض الآن على #MBCMASR
الجمعة - الأثنين الساعة 10:00 مساءً بتوقيت القاهرة
مجاناً على شاهدhttps://t.co/uwHwlsCISw pic.twitter.com/q3JGtHxfU2
— الحكاية (@Elhekayashow) June 28, 2025
اهدا يا سقا والناس بتتطلق عادي فبلاش اي نزعة انتقامية .. عمرو اديب عن ازمة احمد السقا ومها الصغير
برنامج #الحكاية يعرض الآن على #MBCMASR
الجمعة - الأثنين الساعة 10:00 مساءً بتوقيت القاهرة
مجاناً على شاهدhttps://t.co/uwHwlsCISw pic.twitter.com/m4akFE6Yto
— الحكاية (@Elhekayashow) June 28, 2025