حارس الأهلي ينفي رفضه الاجتماع مع الإدارة ويؤكد التزامه وولائه للنادي

أثار حمزة علاء، حارس مرمى النادي الأهلي، جدلاً واسعًا حول مستقبله مع الفريق، وذلك بعد انتشار شائعات عن احتمالية رحيله وعدم تجديد عقده. وفي رده على هذه الشائعات، نشر حمزة علاء رسالة غامضة عبر حسابه على وسائل التواصل الاجتماعي، أكد فيها على التزامه وولائه للنادي الأهلي، ولكنه لم يكشف عن تفاصيل مستقبله بشكل واضح.
ونشر حمزة علاء عبر حسابه على منصة «إنستجرام»، الآية القرآنية: «يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ».
وتابع: «رسالة لجماهير النادي الأهلي الغالية، حابب أوضح حاجة مهمة بخصوص الكلام اللي اتقال عني في الإعلام مؤخرا، واللي بيقول إني رفضت أقعد مع إدارة النادي أو الناس المسؤولة في النادي اللي أتشرف بالانتماء ليه منذ طفولتي وحتى الآن.. الكلام ده كله مش حقيقي ومفيش منه أي حاجة صح».
وأكد الحارس: «أنا عمري ما اتأخرت عن أي اجتماع يخص مصلحة النادي، وبحترم كل شخص مسؤول في الكيان ده، وموجود دايما عشان أسمع وأتكلم في أي وقت يتطلب كده».
وشدد حمزة علاء، على أن «النادي ده ليه مكانة كبيرة عندي، وكل يوم بفتخر إني بلبس التيشرت بتاعه، وبحس دايما بدعمكم اللي لا يقدر بثمن، واللي هو الدافع الحقيقي في كل يوم ليا في نادينا العظيم».
وأردف: «جمهور النادي الأهلي، أنتم ليكم فضل كبير جدا جدا عليا، وأنتم سبب كبير جدا ورئيسي في اللي وصلت له، مستحيل أنكر، عمرهم ما كانوا عاديين، وأنا شايل ليكم تقدير وحب كبير فوق ما تتخيلوا، وبعتقد إن أنا حبي للنادي وللكيان ملوش حدود».
وأوضح اللاعب: «عمري ما أقدر أغلط لا في النادي ولا جمهوره، ولا أي مسؤول داخل النادي، وأنا مش الشخص اللي يكون له موقفه مع النادي، فأنا أتشرف بالانتماء ليه ولجماهيره».