الناقد أحمد سعد الدين: ما نراه في المسلسلات حاليا يسحق أجيال قادمة| خاص

علق الناقد الفني أحمد سعد الدين على الجدل المثار حول عدد من المسلسلات التي اتهمها الجمهور بهدم قيم المجتمع بسبب احتوائها على العديد من الألفاظ الخارجة.
واوضح قائلا في تصريح خاص ل«بوابة اخبار اليوم» قائلا:«انا ليه أسمع ألفاظ خارجة من الأساس سواء موجهة لرجل أو سيدة وفين دور الرقابة على المصنفات الفنية؟!» مضيفا:« أصل الدراما إن أنا بحافظ على عادات وتقاليد المجتمع عشان كده بيقولوا الناس بتتعلم من الشاشة.. لكن اللي احنا شايفينه ده احنا مش بنعلمهم.. ده احنا بنسحق اجيال اخرى».
أقرا ايضا| نجل إحسان ترك يتلقى عزاء والده
وتابع :«خاصة الاطفال اللي بتسمع الكلام ده وتردده وهنا يأتي دور الرقابة ودور القناة الناقلة» مشيرا إلى أن في الماضي كان في اتحاد الإذاعة والتلفزيون يشاهدون المسلسل أو الفيلم وكان من الممكن أن يتم عمل مونتاج أو يترفض العمل من الاساس في حالة وجود لفظ أو مشهد خارج.
واضاف أحمد سعد الدين قائلا:« دلوقتي احنا بنشوف كل حاجة مباحة.. ويجي يقول لك الموضوع واقعي.. لا ده مش واقعي والفن لا يعكس الواقع ولكن هو محاكاة للواقع لأنه لو عاكس الواقع بالضبط يبقى أنت بتعمل أفلام تسجيلية».
واختتم حديثه متسائلا عن دور الرقابة قائلا :« فين دور الرقابة.. ده تساؤل مباح» وعن دور المشاهد في منع تقديم هذه الأعمال من خلال مقاطعتها قائلا:«المشاهد مغلوب على امره وهو ده المنتج اللي قدامه.. ولو منعت مشاهدته على ال تلفزيون في ملايين بتعرف تجيبها على اليوتيوب ففي النهاية المشاهد مغلوب على أمره».