أول تعليق من أحمد عيد بعد رحيله عن غزل المحلة| مقصرتش

علق أحمد عيد عبد الملك مدرب غزل المحلة السابق مجددا على مشواره التدريبي وذلك عقب رحيله مؤخرا عن تدريب زعيم الفلاحين بعد الهزيمة من الزمالك ضمن منافسات الجولة الرابعة من عمر مسابقة الدوري المصري الممتاز موسم 2024-2025.
وكتب عيد عبد الملك عبر حسابه على موقع التواصل الإجتماعي فيس بوك :" الحمد لله اشتغلت كمدير فني من 2019 بعد ما اعتزلت كلاعب في نفس الموسم بداية من نادي جولدي ونجوم المستقبل والشمس وبني عبيد والنجوم ولاڤيبنا واخيراً غزل المحلة بالترتيب كدة ".
وأضاف :" أولاً الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق الي بديله 100٪؜ مع جهازي المعاون الي مساعدني كل واحد في دوره طبعاً ومخلصين لأعلي درجة والحمد لله سايبين في كل مكان اشتغلنا فيه بصمة وحتي لو في اختلاف في وجهات النظر مع البعض بيبقي الخروج من المكان بكل احترام ".
وأضاف :" ثانياً الي طلعت بيه من كل ده في 5 سنين ان التواصل مع لاعيبتي الي دربتهم ممكن يوصل ل 90 ٪؜ ان مكانش 100٪؜ وكمان الي مكانوش بيلعبو بشكل اساسي او الي مبيلعبوش خالص معايا في المباريات دول يمكن اكتر الناس الي عندي تواصل معاهم بالاضافة للمسؤولين في كل الاندية بتجمعني بيهم علاقة طيبة ".
وشدد :" دي حاجة والله بفتخر بيها جداً في شغلي وبتسببلي سعادة كبيرة جداً اكتر من اي حاجة تانية اني افضل متواصل مع الكل والحب والسيرة الطيبة دايماً موجودة بينا ".
وختم :"شكراً لأي حد بيدعمنا وبيقول في حقنا كلام كويس وحاسس بتعبنا ..استراحة محاربين ولنا عودة قريباً جداً ان شاء الله ".
إقرأ أيضا| بقيادة عصام محيسن.. جهاز فني مؤقت لغزل المحلة
ويحتل غزل المحلة المركز ال 13 بجدول ترتيب الدوري المصري برصيد 4 نقاط من 4 مباريات حقق خلالهما فوز وتعادل وهزيمتين .
وتعادل المحلة مع الإسماعيلي سلبيا قبل أن يخسر من طلائع الجيش 3 - 2 ثم الفوز على الجونة 1-0 قبل أن يخسر من الزمالك 4 - 0.