«استراحة محارب».. تعليق جديد من أحمد عيد عبدالملك بعد رحيله عن غزل المحلة

علق أحمد عيد عبدالملك، المدير الفني السابق ل غزل المحلة من جديد على رحيله من تدريب زعيم الفلاحين، بعدما أعلن استقالته أمس الثلاثاء، عقب خسارته من الزمالك.
وخسر غزل المحلة من الزمالك بأربعة أهداف دون رد على ملعبه استاد غزل المحلة، في الجولة الرابعة من بطولة الدوري المصري الممتاز لهذا الموسم، ليحتل زعيم الفلاحين المركز ال13 في 4 مواجهات خاضها حتى الآن، بواقع تعادل وفوز وهزيمتين.
وقال أحمد عيد عبدالملك في منشور عبر حسابه الرسمي على موقع التواصل الاجتماعي «فيس بوك»: «الحمد لله اشتغلت كمدير فني من 2019 بعد ما اعتزلت كلاعب في نفس الموسم بداية من نادي جولدي ونجوم المستقبل والشمس وبني عبيد والنجوم ولافيبنا وأخيرا غزل المحلة بالترتيب كده».
وأضاف: «أولًا الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق إلى بديله 100٪؜ مع جهازي المعاون إلى مساعدني كل واحد في دوره طبعًا ومخلصين لأعلى درجة والحمد لله سايبين في كل مكان اشتغلنا فيه بصمة وحتي لو في اختلاف في وجهات النظر مع البعض بيبقي الخروج من المكان بكل احترام».
وأكمل عبدالملك: «ثانيًا اللى طلعت بيه من كل ده في 5 سنين أن التواصل مع لاعيبتي إلى دربتهم ممكن يوصل ل 90٪؜ أن مكانش 100٪؜ وكمان إلى مكانوش بيلعبو بشكل أساسي أو اللى مبيلعبوش خالص معايا في المباريات دول يمكن أكتر الناس اللى عندي تواصل معاهم بالإضافة للمسؤولين في كل الأندية بتجمعني بيهم علاقة طيبة».
وأردف: «دي حاجة والله بفتخر بيها جدًا في شغلي وبتسببلي سعادة كبيرة جدًا أكتر من أي حاجة تانية إني أفضل متواصل مع الكل والحب والسيرة الطيبة دايمًا موجودة بينا».
وأتم أحمد عيد عبدالملك رسالته قائلًا: «شكرًا لأي حد بيدعمنا وبيقول في حقنا كلام كويس وحاسس بتعبنا.. استراحة محاربين ولنا عودة قريبًا جدًا أن شاء الله».