بسبب خلافات العمل.. محاكمة سائق قتل مهندس دهسًا بلودر في التجمع الخامس

تنظر محكمة جنايات القاهرة غدا الثلاثاء، محاكمة سائق متهم بدهس مهندس باللورد بسبب خلافات العمل بمنطقة التجمع الخامس، وأحالت النيابة العامة المتهم بقتل مهندس التجمع باستخدام «جرافة لودر» داخل أحد مواقع الإنشاء، لمحكمة الجنايات بتهمة القتل العمد مع سبق الإصرار والترصد.
وقال المتهم أمام جهات التحقيق «المهندس المجني عليه كان عاوز يمشيني من الموقع وفضل يتكلم عليا، وكمان بتاع أعمال وأنا طول عمري بيتعمل ليا أعمال ومش عارف أفكها عشان كده قررت أخلص عليه باللودر ولما خلصت عليه فضلت قاعد لحد الأمن ما وصل وقبض عليا».
وأضاف المتهم في تحقيقات النيابة العامة: طريقة قتل المجني عليه قائلًا: «رحت عليه باللودر وخبطته بسقف سكينته في صدره من ناحية اليمين فوقع على ظهره، وبعد كده عدلتها ورفعتها لفوق وخليت السكينة مقلوبة، ونزلت عليه بشفرتها وهي مقلوبة في صدره ورفعتها ونزلت بيها تاني، وبعد كده لقيت واحد بيجري عليا وبيزعق».
اقرأ أيضا| تأجيل استئناف كروان مشاكل على حكم حبسه في قضية الفسق والفجور
وذكر المتهم: «أنا وقفت عشان كان خلاص نزل من رأسه دم كثير ومن ودانه، فأنا تأكدت أن هو توفى وفضلت واقف فوق اللودر، وبعد كده الناس نزلتي ودخلونى جوه العمارة لحد ما الأمن جه وفضل يستجوبني، وقال لي خبطته؛ قلت له أه خبطته، قالي عن قصد؛ قلت له أه، ولما سألني ليه قلت له أنا حسيت أن هو عايز يمشينى من الموقع أو يموتني فأنا قولت أموته ودي موتة بموتة».
تلقت أجهزة الأمن بمديرية أمن القاهرة بلاغا من شرطة النجدة مفاده وجود جثة بموقع تحت الإنشاء بالتجمع الخامس، وعلى الفور انتقلت الأجهزة الأمنية وعثر على جثة ف . ن، مهندس، وتبين وجود كسور وسحجات متفرقة بالجسم، ودلت التحريات أنه توفى تحت عجلات لودر، وبعمل التحريات تبين وجود شبهة جنائية فى الواقعة .
وأضافت التحريات أن سائق لودر ارتكب الجريمة بسبب مشاجرة سابقة بينه وبين الضحية حيث نشبت مشادة كلامية قام على إثرها الأخير بدهس المتوفى، وألقى القبض علي المتهم، وتم اتخاذ الإجراءات القانونية اللازمة حيال الواقعة.