عمرو أديب: يابخت الأهلي ماشية معاه «ده مش نادي القرن ده حظ القرن.. محاظيظ»

قال الإعلامي عمرو أديب ، إن فوز الأهلي على سيراميكا كيلوباترا وصعوده إلى نهائي كأس السوبر لمقابلة فريق فيوتشر الذي صعد على حساب فريق بيراميدز، كان متوقعاً.
وأضاف أنه بعد انتهاء مباراة الأهلي وسيراميكا ، أن الأهلي سيقابل فيوتشر وليس بيراميدز ، حيث إن فيوتشر فاز على بيراميدز وأخرجه من البطولة ، أي أن النهائي سيكون بين الأهلي وفيوتشر .
وتابع كنت أتمنى كمشجع زملكاوي أن يلعب الزمالك في كأس السوبر ولكن بسبب اعتذارنا عن المشاركة العام الماضي لم نستطيع المشاركة هذا العام .
اقرأ أيضاً .. هدف قاتل للأهلي أمام سيراميكا بالنيران الصديقة في كأس السوبر
وأكد أن الزمالك لو كان شارك كان للبطولة طعم تاني ، مضيفاً "أنا مش عارف بيراميدز إمتى هفوز ببطولة أنا مش عارف طموحهم راح فين، دول حتى وسعوا الطريق للأهلي علشان ياخد البطولة".
وتابع : كنا بنقول الأهلي ريال مدريد أفريقيا طلع ليفربول أفريقيا ومانشستر سيتي افريقيا كمان، مضيفاً «ده مش نادي القرن ده حظ القرن.. محاظيظ»
وواصل أديب: "في حاجة بتقول إن الأهلي لازم يكسب.. أنا اتجننت وحسيت أن جالي نقطة".
وتابع" قعدت أقول حسبي الله ونعم الوكيل.. جول إمام عاشور لو اتعاد 100 مرة مش هيدخل.. الأهلي عنده حظ القرن مش نادي القرن.. أول ما شوفت الجول "حاجة تنقط".
وتوقع فوز الأهلي بالبطولة لأن الأهلي لن يفرط في بطولة كأس السوبر هذا العام ، لأن مستوى الأهلي يخليني أقول للجميع الأهلي السنادي محدش يقدر يفوز عليه ده بيلعب في أي بطولة محلية وعالمية بيفوز، يابخت الأهلي ماشية معاه .