ماذا قال نجوم الفن في الذكرى الأولى لوفاة هشام سليم؟

يصادف اليوم الجمعة، الذكرى الأولى لرحيل الفنان هشام سليم، حيث ولد يوم 27 يناير عام 1958 وتوفى بعد معاناة مع المرض يوم 22 سبتمبر عام 2022، ونشرت الفنانة يسرا فيديو يجمع بين نجوم الفن يلقون كلمة للراحل هشام سليم ، عبر صفحتها الشخصية بموقع تبادل الصور والفيديوهات إنستجرام.
علقت قائلة:"وحشتنا و مفتقدينك أوي يا هيشو ، كل حاجة بينا كانت أحلي وأسعد الذكريات ، الدنيا فضيت علينا من بعدك بس سيرتك الحلوة مكملة معانا ..وحشتنا يا أغلي الناس". و أحتوي الفيديو علي عدد من نجوم الفن أشهرهم : صلاح عبد الله:"المهلبية جمعتنا سنة 91 ومن ساعتها يا إتش بقينا حبايب و صحاب و حبيتك أوي أوي وكنت واحد من أشرف و أنضف وأجدع و أوضح الناس اللي قابلتها في حياتي".
View this post on Instagram
A post shared by Youssra يسرا (@youssra)
محمد جمعة :"لما كنت بكلم حد عن هشام بقوله أنت عشرته الأول عشان تعرفه ،هشام كان من أنضف الناس و أجدع الناس و أنضف الناس ، واحشني يا أتش و مفتقدك أوي و أنت في مكان أحسن وربنا يرحمك و يلحقنا بيك علي خير". يسرا:"واحشني و قطعت بيا يا هيشو، أنا عارفة أنك في مكان أحسن بس قاطع بينا قطعة سودا ، وحشتني و عايزة أحضنك و أبوسك و أهزر معاك، و خليت حد يحجلك السنادي و دي هدية صغيرة أنا بحبك أوي".
فيدرا:"عشان سليم أكتر إنسان كان بيعرف ينكشني ومن أجدع الناس و أشرفهم ، واحشني جداً وربنا يرحمك نتقابل علي خير إن شاء". منة شلبي:"هيشو حبيب الملايين فتي أحلامي، كل حاجة في الدنيا بتفكرنا بيك ، لذاذتك و قمرك و حلاوتك و شقوتك و صدقكك وحشتني أوي وربنا يسعدك في الجنة ". هندي صبري :"يا أتش وحشتنا جداً ، وسبت مكان فاضي ومفيش حد زيك ولا هيجي ولا حقيقتك ولا في أخلاقك ". طارق لطفي:"وحشتني ضحكتك و نبلك و شهامتك و جدعنتك،وحشتني يا أخي لكن عارف أنك في مكان أحسن ربنا يرحمك برحمته". أنوشكا:"هنفضل فكرينك طول الوقت ، الشهم الجدع الصادق ة الحنون و البرنس ". عمرو سليم:"هشام الجميل وحشتيني وبقالي مدة مشوفتكش و بدعي ربنا أنه يدخلك جنته و يلحقني أنا و كل اللي بتحبهم بيك ".