«مسار إجباري» تستعد لطرح أغنية «آسف».. وتجهز لألبوم جديد

أحيت فرقة مسار إجباري، حفلًا غنائيًا جديدًا، أمس الجمعة 11 أغسطس 2023، ضمن فعاليات مهرجان العلمين في دورته الأولى.
وتحدث هاني الدقاق مطرب الفريق، عن مشاركته في مهرجان العلمين، معربًا عن سعادته البالغة، خلال لقاء له نشرته الصفحة الرسمية لمهرجان العلمين، وقال: إحنا مبسوطين جدا إننا مشاركين في مهرجان العلمين، مهرجان حلو أوي وفنانين كبار جدا غنوا فيه.
وأضاف هاني الدقاق: متحمسون نعمل حفلة حلوة، والمهرجان جميل جدا والمكان حلو وسياحي، والعلمين أحيت الساحل، وكمان المشاركين معانا في حفلة النهاردة هما صحابنا، فسعداء إننا نشوفهم ونسمعهم.
وعن تفاصيل أعمال مسار إجباري المقبلة، واصل هاني الدقاق: إن شاء الله هننزل الأغنية السينجل بتاعتنا قريب جدا، اسمها آسف، وهتبقى خاتمة الميني ألبوم اللي عملناه باسم نص الحاجات، ونبتدي بعديها إن شاء الله بألبوم جديد، وافتكر أنكوا محتاجين تيجوا تحضروا حفلة هنا لأن المكان لذيذ والعلمين كلها حلوة أوي.
جدير بالذكر، أنه فرقة مسار إجباري أحيت حفلًا مؤخرًا في مكتبة الإسكندرية، ضمن فعاليات مهرجان الصيف الدولي في دورته العشرين، يوم 3 أغسطس الجاري، وتم افتتاح الحفل بأغنية حاوي، وأعرب هاني الدقاق مطرب الفريق، عن سعادته بإقامة هذا الحفل بمسقط رأسه، قائلا: وقفنا هنا من 20 سنة، وكنا بنغني في مسابقة، وبيحكم فيها راجح داوود، وحِلمنا نقف قدامكم تاني، أنتم أكيد عارفين إن إحنا إسكندرانية أصلًا.
اقرأ أيضا| «مسار إجباري» يشعلون أولى حفلات مهرجان الصيف الدولي للفنون