بعد تعليق تامر حسني .. بسمة بوسيل ترد على الربط بين أغانيه وحياته الشخصية

بعد توضيح الفنان تامر حسني عن ربط أغانيه بحياته الشخصية، قامت بسمة بوسيل بالرد على تامر .
حيث قال الفنان تامر حسني، إنه لا يربط أغانيه بحياته الشخصية، موضحًا أنه يكن كل الاحترام والتقدير لطليقته ووالدة أطفاله بسمة بوسيل.
وكتب تامر حسني عبر ستوري حسابه الشخصي بموقع تبادل الصور والفيديوهات إنستجرام قائلا: ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولًا مش أنا اللي ممكن أعمل كده.
اقرأ أيضا تامر حسني: بسمة بوسيل في دمي ولو طلبت عيني مش هتأخر
وأوضح تامر حسني: رغم الظروف الحالية.. مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر.
وأضاف تامر حسني: تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا.
واختتم تامر حسني مازحًا: ده لسة في أغاني توجع أوي نازلة قريب إن شاء الله.. كده مش هنزلها.
وقامت بعد ذلك بسمة بوسيل بالرد على رسالة طليقها الفنان تامر حسني قائلة: "يا تيمو إنت كمان عندي زي ما أنا عندك، ربنا يوفقك في شغلك دايما".