قال الفنان أمير كرارة: "معملتش أي عمل كوميدي قبل كده علشان كده كنت مرعوب من فيلم البعبع". وأضاف خلال لقائه ببرنامج "معكم" الذي تقدمه الإعلامية منى الشاذلي بقناة "سي بي سي":"قصة فيلم البعبع غريبة جدا، أنا من سنتين قابلت المؤلف إيهاب بليبل ده راجل صاحب دماغ ذرية وقعدنا انا وهو وعرض على الفيلم وفضلت اضحك وهو بيحكيلي السيناريو، وبعدين قلت له الفيلم تحفة وخلاص بتاعي". اقرا ايضا| أمير كرارة عن ياسمين صبري في فيلم البعبع: ست جميلة واستمتعت بالعمل معها وتابع:"اشتغلت للمخرج حسين المنباوي فيه فيلم كده هبعتهولك لما تكون فاضي اقراه لقيته بيكلمني وبيقولي ده فيلم حلو جدا متسيبهوش ومفيهوش غلطة وانا عايز الفيلم ده، وفعلا حضرنا الفيلم ودخلنا صورناه علطول". وأكد: "كنت خايف لإن أول تجربة كوميدية ليا ولكن اللى طمني إن معايا ياسمين صبري وباسم سمرة ومحمد أنور ومحمد عبد الرحمن". فيلم "البعبع" من بطولة أمير كرارة، ياسمين صبري، باسم سمرة، محمد عبد الرحمن "توتا"، محمد أنور، محمد محمود، إنعام سالوسة، محمد عبد العظيم، رحاب الجمل، وعدد آخر من الفنانين، من تأليف إيهاب بليبل وإخراج حسين المنباوي، من إنتاج سينرجي وأحمد بدوي ويوسف طاهر.
