سيد الطيب: «خدت أدوار مساحتها كبيرة ومتصرفش عليها ولحد دلوقتي مظهرتش موهبتي»

كشف الفنان سيد الطيب عن سبب مساحات أدواره الصغيرة قائلا: "عملت أعمال مساحتها كويسة ومتصرفش عليها، عملت بطولة سباعية اسمها ليلة زواج بهية من تأليف الدكتور أحمد عفيفي وإخراج محمد دنيا".
واضاف: "كان معانا مجموعة كبيرة وكانت مكتوبة بشكل كويس لكن متصرفش عليها، عملت بطولة مسلسل مع ندى بسيوني كان اسمه عبد الله كل مرة وكنت كل حلقة بعمل شخصيات مختلفة، حلقة اسرق انابيب، حلقة بتاجر في المخدرات، حلقة بتاجر في السلاح، حلقة للحم الحمير وفي صديق ليا صعب عليه المسلسل".
تابع خلال حواره مع الاعلاميه إنجي هشام في برنامج المنسي : "مساحات أدواري ما برزتش موهبتي، أنا في مسلسل اسمه الاعصار سنه 1997 جابوني بدل محمد سعد وفي مسلسل اهل الرحمة جابوني بدل محمد شرف وكان وقتها شرف متنجم وكويس وفي يا ورد مين يشتريك برضو جابوني مكان محمد شرف وكان إخراج أحمد توفيق والمخرجة رباب حسين، أنا عملت شغل كويس وراضي عنه.
وكشف عن نصيحة قدمها له الفنان نور الشريف :" سألت الاستاذ نور الشريف ليه بيجبوني ساعات في أدوار صغيرة وساعات أدوار كبيرة قالي مدام مرفعتش سماعة تليفون على المخرج وهو افتكرك لو عايزك في مشهد روح أعمله كأنك بطل هذا العمل".
اقرأ أيضا | أبطال «جعفر العمدة» يعلقون على تقديم الجزء الثاني من المسلسل