«سلمت الطفلة إلى زوجها».. القصة الكاملة لعلاقة تامر حسني بمديرة أعماله

اشتهر الفنان تامر حسني بعمل المفاج0ت في الأفراح التي يحضرها ويقدم وصلات غنائية بها، وتنتشر الفيديوهات على السوشيال ميديا وتنال اعجاب متابعيه، فقد ظهر مؤخرا وهو يسلم فتاة جميلة إلى عريسها في يوم الزفاف وظلت التساؤلات تراوضه من هذه الفتاة وما علاقته بها؟
نشر الفنان تامر حسني فيديو له وهو يسلم العروس إلى زوجها وكتب عليه قائلا: "لكل اللي بيسأل عن ايه وجه القرابة بيني وبين العروسة الجميلة دي شايف اسألة كتير انا هحكيلكوا هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت ومن كتر دفاعها عني لفتت نظري ومرة رديت عليها شكرتها ولما سافرت إسكندرية في الوقت ده لقيت بنت صغيرة اوي بتعيط وبتجري عليا وقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جداً في بداياتي فا اتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة".
وأضاف تامر في منشوره:" وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم انا مش عايز شركة كبيرة انا عايز البنت الصغيرة دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها وانا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعاً ومن ساعتها وهي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر".
وأوضح حسني: "أما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله في سنه واحده رحمهم الله ياريت نفتكرهم و نهديلهم ثواب الدعاء والفاتحة ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هاله رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك و سندك و يكمل معاكي مشوار حياتك مع اولادكم الجمال بإذن الله".
اقرا ايضا | تامر حسني ومصطفى قمر ورامي صبري ونيكول سابا يجتمعون في حفل واحد
https://fb.watch/kIZiZRrbHy/?mibextid=Nif5oz