كشف إيهاب صالح، مدير أعمال الفنانة شيرين عبد الوهاب، حالتها الصحية بعد سقوطها على مسرح حفلها أمس بدبي. وكتب إيهاب صالح مدير أعمال شيرين عبر حسابه على تويتر: "جمهور شيرين أنا دايمًا عارف أنكم سند وضهر ليها.. بس عمري ما كنت أتخيل أنكم بالحجم والعظمة دي بجد ما شاء الله". وأضاف: "عايز أطمنكم إن شيرين بخير.. وخرجت من المستشفى بعد شوية فحوصات وإشاعات على رجليها.. بعد ما تحاملت على نفسها عشان تكمل الحفل بنجاح.. شكرًا بجد على كل الحب والدعم ده". وتابع: "شكر كبير جدًا لدولة الإمارات وإمارة دبي على واحدة من أعظم حفلات شيرين على الإطلاق.. وده بشهادة الجمهور العظيم والرهيب اللي كان حاضر امبارح وطبعًا أكيد حابب أشكر الشركة المنظمة على التنظيم الرائع والمحترم وكرم الضيافة". وواصل إيهاب صالح: "أخيرًا بقى بالنسبة للمفاجآت اللي وعدتكم بيها قبل الحفل، خليكم واثقين إن اللي جاي كتير جدًا وحفلات في كل حتة إن شاء الله.. ومش هنهدى بأي شكل عشان شيرين عندها طاقة وحماس ملهمش آخر.. ووعد مني إن شاء الله نعوضكم". واختتم إيهاب صالح حديثه قائلًا: "آخر وأهم حاجة هي للناس اللي بتجرح بالكلام وحديث عن النبي محمد صلى الله عليه وسلم: "لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه". حفلة شيرين عبد الوهاب أطلت شيرين عبدالوهاب، خلال حفلها بدبي بفستان طويل باللون النفسجي، كما أطلت على جمهور بتسريحة شعر جديدة. وكانت بدأت الفنانة شيرين عبد الوهاب حفلها بأغنية «خد قلبي مني»، وتفاعل معها الجمهور بالتصفيق والترديد وراءها.
