«عاوزه تجهض لسوء خلق زوجها».. والإفتاء: طفلك قد يكون نافع للناس

أجاب الشيخ عويضة عثمان، أمين الفتوى بدار الإفتاء المصرية، على شكوى متصلة، إن ابنتها تريد إجهاض نفسها من الحمل، لاستحالة العشرة مع زوجها سيئ الخلق والدين، على حسب وصفها، قائلاً: "أول حاجة الزوجة تحاول الإصلاح، وتتحمل الأخلاق السيئة، طيب خلاص مش قادرة واستحالة العشرة، خلاص تتطلق هتعمل إيه".
اقرأ ايضاً .. القاهرة الإخبارية: ارتفاع عدد الطائرات العسكرية التي تقل العائدين من السودان إلى 20
وأضاف أمين الفتوى بدار الإفتاء المصرية، خلال حلقة برنامج "فتاوى الناس" المذاع على فضائية "الناس"، اليوم الخميس: "طيب بنتك حامل من الشخص ده وعاوزه تطلق، خلاص تطلق، لكن الجنين ده مش ملكك ده من عند الله، أنتى إيه عرفك إن الجنين ده يكون الخير اللي ربنا كاتبه لكى ربنا، ده ممكن يكون في نفع كبير للناس، لو اجهضتيه حرام شرعا، لكن ربيه تربية كويسة واعتمدى عليه يكون سند ليكى".
وتابع: "لازم ننصح أولادنا الشباب بلاش خداع بنات الناس، بإنك بتظهر قدامها إنك كويس وعلى دين وعلى خلق، وأنت من جواك عكس كده، حرام عليك، بلاش الأمر ده، ولازم نسأل على أخلاق من نرتبط بهم لأن الزواج ميثاق غليظ".
وانطلقت قناة الناس في شكلها الجديد، باستعراض مجموعة برامجها والخريطة الجديدة، وتبث عبر تردد 12054 رأسيا عدة برامج للمرأة والطفل وبرامج دينية وشبابية وثقافية، وتغطي جميع مجالات الحياة.