عمرو سلامة يوجه رسالة شديدة اللهجة لصناع السينما

وجه المخرج عمرو سلامة رسالة لصناع السينما بمصر، وذلك عبر حسابة الشخصي بموقع التواصل الاجتماعي " فيس بوك "، وجائت الرسالة حول كيفية التنمية والنهضة بصناعة السينما والدراما المصرية خلال السنوات القادمة.
اقرأ أيضا | الفخراني وإلهام شاهين أبرز النجوم في عزاء مفيد فوزي| فيديو
وقد علق المخرج عمرو سلامة عبر المنشور قائلا : لكل يهمه الأمر، لو كان هناك حد يهمه الأمر، ولو إني أشك: ماذا لو قلت أن هناك صناعة في مصر تقدر في عشر سنين تعمل الآتي: تدخل مليارات الدولارات، في نفس الوقت تخلق فرص عمل، في نفس الوقت تروج للسياحة، في نفس الوقت تساعد في نشر ثقافتنا، وأخيرا بأشكال غير مباشرة فوائد اقتصادية وسياسية ثانية كثير.
وأضاف : كل ده بوصفة موجودة ومتجربة قبل كده؟
اتجربت الوصفة ديه في بلد اسمها كوريا الجنوبية.
كوريا الجنوبية من حوالي عشرين سنة قررت تعمل خطة محكمة لصناعة الفن وتصديره، هم ممكن يصدروا أجهزة كهربائية وعربيات بس عندها تحدي إن الفن مرتبط باللغة، ماحدش برا كوريا بيتكلم كوري، لكن مثلا في بلد زي مصر في مئات الملايين بتتكلم عربي، تحدي ثاني ان ماعندهمش تاريخ فني جبار، مافيش مواهب فذة عندها فرصة العالمية، الخ.
في العشرين سنة ديه حصل ايه؟
أول فيلم غير أمريكي يكسب جائزة احسن فيلم في الاوسكار كوري
كذا جايزة احسن فيلم اجنبي في الاوسكار
جوائز هامة لا تحصى في مهرجان عالمية زي كان وفينسيا وغيرها.
مسلسلين من اكثر المسلسلات مشاهدات في العلم (kingdom) و(Squid Games)
من اكثر انواع الموسيقى مبيعا في العالم حتى في امريكا اللي مش بتتكلم كوري هي K-Pop
من اكثر الاغاني اللي اتسمعت في التاريخ على الانترنت Gangnam Style
وفي نجاحات ثانية كثير في الفن وغيرها، حتى في الكورة وصلوا لمراحل في كاس العالم بلد زينا عمرها ماوصلتها مع اننا برضه تاريخنا مع الكورة اطول واهم.
ديه كلها مش صدف ديه خطط، حد كان مهتم، خطط، ونفذ.
واستعرض : بالمقارنة بين مصر وكوريا من عشرين سنة، ماكنش وقتها عندهم تاريخنا ولا مواهبنا ولا لغتهم منتشرة في دول ثانية، ولا كان عندها ريادة اقليمية، وبلد تعدادها نصنا، وماهياش بلد عظمى وبتعتمد على الغرب في حماية نفسها، وبالمناسبة وقتها ماكانوش حتى اقتصاديا أو سياسيا أو أمنيا في مكان وردي.
وإحنا في مصر، ولا فيلم في تاريخنا كسب أو حتى اترشح أوسكار، ولا السعفة الذهبية في كان، ولا مسلسل لينا نجح عالميا بشكل واسع، المزيكا بتاعتنا عمرها ما دخلت قوائم المبيعات برا العالم العربي وهكذا دواليك.
واستكمل : انا مش ساحر بس وانت بتقرا الكلام ده انت عندك كذا منتج كوري، يا موبايل يا تليفزيون يا عربية وعلى الاقل سمعت اغاني كوري قبل كده، لكن صعب حد كوري هيكون معاه منتج مصري أو سمع حاجة عن ثقافتك المعاصرة.
طبعا وانا بكتب الكلام ده في بلد زي السعودية مثلا -وغيرها- أدركت ده، وفعليا بدأ ناس كثير فيها يزوروا كوريا ويتعاونوا معاها لإعادة تجربتهم في السعودية، وبرافو عليهم.
طبعا انا وغيري صوتنا اتنبح في مليون ندوة وورشة واجتماع ولقاء تليفزيوني وبقالنا يمكن عشر سنين بنهاتي ولا حد يهتم.
واختتم : بكتب مرة كمان يمكن... في حد هنا أو هناك يوصله الكلام ده ويستفيق ويدرك الفرصة اللي ممكن تختفي قريب جدا، لان كلها عشر سنين هنلاقي نفسنا ورا، ورا قوي، وهنقول ياريت زمان كان في حد عاقل واعي إهتم.