نرمين الفقي تكشف سبب فشل خطوبتها: كان ضعيف الشخصية وأمه قالتلي ريحتك بصل

تحدثت الفنانة نرمين الفقي عن قصة فشل خطوبتها، في وقت سابق من سفير.
وقالت في حوار سابق لقناة "النهار"، مع الإعلامية نجوى إبراهيم: "أول مرة جه هو والدته يتقدموا في بيتي اللي في القاهرة، قالت لي أنا مكونتش متصورة إن نرمين الفقي ساكنة في شقة صغيرة بالشكل ده".
وأضافت نرمين الفقي: "والدتي قالت لها إنها شقة والدتها.. ردت عليها قائلة: "طيب وانتوا بتعملوا إيه بالفلوس اللي معاكو، مش تعملي لنفسك فيلا كبيرة، أنا قلت هدخل ألاقي بيت محصلش".
وتابعت: "ابنها كان إنسان كويس، وكنت مبسوطة من علاقتي بيه لأنه كان إنسان لطيف، لكن مشكلته إنه ضعيف الشخصية وبعدها عملت ليها عزومة، ومكنتش لحقت أغير هدومي بعد الطبخ، وأنا بسلم عليها قالت لي: إيه ده انت هتطلعي بريحة البصل دي".
وأوضحت: "بعدين عزمتهم في فيلاتنا في الإسكندرية، وقلت لها ده بيتنا اللي كنتي عايزة تشوفيه، وكتر خير جدتي إنها ادتني شقتها عشان أعيش فيها في القاهرة، وعادي جدًا إني أعيش فيها، وبعدين بلغتها إني مش موافقة".
من ناحية أخرى، أعلنت الفنانة نرمين الفقي تعاقدها على المشاركة في مسلسل "بعد النهاية" .
وكتبت نرمين الفقي، عبر صفحتها الخاصة بموقع تبادل الصور "إنستجرام": "دعواتكم بالتوفيق والنجاح لأسرة مسلسل بعد النهاية".
مسلسل "بعد النهاية" إنتاج محمد إبراهيم، تأليف فداء الشندويلي، محمد إبرهيم، شيماء سامي، إخراج وائل فهمي عبد الحميد.
يذكر أن آخر أعمال الفنانة نرمين الفقي، مسلسل "الكبير أوي 6" الذي عُرض ضمن الموسم الدرامي الرمضاني 2022
"الكبير أوي 6" تأليف مصطفى صقر، وإخراج أحمد الجندي، وبطولة أحمد مكي، بيومي فؤاد، هشام إسماعيل، ليلى عز العرب، محمد سلام، حسين أبو حجاج، ورحمة أحمد وغيرهم.